ايماق باسشىسىنا نىساندى قايتا قۇرۋ بويىنشا اتقارىلىپ جاتقان جۇمىستار جايلى باياندالدى. جاڭادان تاعايىندالعان باس ديرەكتور يگور ميحايلەنكو 5 جىل بۇرىن وسى جەو-نى باسقارعان جانە ونىڭ ەرەكشەلىكتەرىن جاقسى بىلەدى.
– 2018 جىلى 5 قازاندىق جۇمىس ىستەدى، 1 رەزەرۆتە بولدى، 4 تۋربينا جۇمىس ىستەدى، 52 مۆت ءوندىرىلدى جانە كومپانيانىڭ شوتىندا 1 ملرد تەڭگە بولدى. مەنشىك يەلەرى جىلۋ ورتالىعىنا ءتيىستى جوندەۋ جۇمىستارىن جۇرگىزبەي پايدالانىپ كەلگەن. ءقازىر قارىزدارى 3،3 ملرد تەڭگەنى قۇرايدى، – دەدى باس ديرەكتور يگور ميحايلەنكو.
ونىڭ ايتۋىنشا، جوندەۋ جۇمىستارى جوسپارعا سايكەس جۇرگىزىلۋدە. ءوڭىر باسشىسى سۇراقتاردى تىڭداپ، بەيىندى ۆەدومستۆولاردىڭ باسشىلارىنا ءتيىستى تاپسىرمالار بەردى.
– مەن وسى ۋاقىت ىشىندە قالانىڭ يگىلىگى ءۇشىن جۇمىس ىستەپ جاتقان قىزمەتكەرلەرگە، سونداي-اق شىدامدىلىق تانىتىپ، جاعدايدى تۇسىنگەن ريددەرلىكتەرگە العىس بىلدىرەمىن. جىلىتۋ ماۋسىمىنىڭ باسىنا دەيىن جوندەۋ جۇمىستارىن اياقتاۋ ءۇشىن بار كۇشىمىزدى سالامىز. ءبىز بۇل قالانى جىلۋمەن قامتاماسىز ەتۋىمىز كەرەك، – دەدى شىعىس قازاقستان وبلىسىنىڭ اكىمى ەرمەك كوشەربايەۆ.
