Parij - 2024 XVII jazǵy Paralimpiada oiyndary qarsańynda QR Ulttyq Paralimpiada komiteti, Frantsiianyń Qazaqstandaǵy Elshiligi jáne Esentai Mall saýda ortalyǵy birlesip "Rýhy myqty" fotokórmesin ashty, dep habarlaidy Dalanews.kz.
Kórme Esentai Mall saýda ortalyǵynda 14 tamyz ben 14 qyrkúiek aralyǵynda ótedi. Ekspozitsiia para sportqa jáne paralimpiada qozǵalysynyń qundylyqtaryna: batyldyq, teńdik, jiger men shabytqa arnalǵan jiyrma beske jýyq fotosýretterdi qamtidy.
Kórmede jiyrma bes qazaqstandyq para sportshylardyń portretter seriiasy usynylǵan, olardyń kópshiligi 2024 jyldyń 28 tamyzy men 8 qyrkúiegi aralyǵynda Parijde ótetin Paralimpiada oiyndarynda Qazaqstannyń namysyn qorǵaityn litsenziattar. Portretterdi 2024 jyldyń mamyr aiynda Astana men Tarazda eki ataqty kásibi fotograf: frantsýz Dide Eshlar men qazaqstandyq Ospan Ali túsirgen. Árbir fotosýrette sportshy jáne onyń jetistikteri týraly qysqasha aqparat berilgen.
QR Ulttyq Paralimpiada komitetiniń prezidenti Qairat Boranbaev: "Paralimpiadalyq qozǵalys sportty barshaǵa qoljetimdi etý úshin ǵana emes, sonymen qatar adamdardy óz áleýetin tolyq iske asyrýǵa yntalandyrý úshin de qajet. Paralimpiadashylar óz úlgisimen múmkin emes eshteńe joq ekenin dáleldep otyr. Osy kórme arqyly biz olardyń jetistikteri men úlgilerin kórneki etkimiz keledi, óitkeni biz olardy naǵyz batyrlar dep sanaimyz".
Dide Eshlar: "Sizder osy kórmede portretterin kórip otyryǵan qazaqstandyq sportshylarmen kezdesip, olardyfotosýretke túsirý men úshin úlken mártebe boldy. Olardyń batyldyǵy men qaisarlyǵy meniń júregimde tereń áser qaldyrdy. 2024 jyly Parijde ótetin Paralimpiada oiyndarynda qazaqstandyq sportshylarmen qaita kezdesýdi asyǵa kútemin. Sondai-aq Frantsiia Elshiligine, Qazaqstan Respýblikasynyń Ulttyq Paralimpiada komitetine osy tamasha joba úshin jáne osy kórmeni sizderge usynýǵa múmkindik bergeni úshin erekshe alǵysymdy bildirgim keledi".
Ospan Ali: "Meni paralimpiadashylar shabyttandyrady. Shekteýlerine qaramastan, olar ómirden synbaidy, kerisinshe, biikterge umtylady. Meniń maqsatym – olardy biz maqtan tutatyn jigerli jandar retinde ǵana emes, sondai-aq qarapaiym adamdar retinde beinelep, jetkizý. Eger meniń keiipkerlerim bizdiń ortaq eńbegimizdiń belgisi retinde Paralimpiada oiyndarynda júldeger atansa, bul men úshin úlken mártebe bolmaq".
Kórme aiasynda otandyq Allur zaýytynda shyǵarylǵan JAC Sunray shaǵyn avtobýsynyń kilti Qazaqstan Para voleibol federatsiiasyna tabys etildi. Qazaqstan Respýblikasynyń otyryp oinaityn voleibol komandasy 1996 jyldan beri alǵash ret Parijde ótetin Paralimpiada oiyndaryna qatysý litsenziiasyn jeńip aldy.
Allur kompaniiasynyń ókili Nariman Bektýrov:
"Biz úshin álemniń basty sport merekesi qarsańynda QRParalimpiadalyq voleibol boiynsha quramasyna qoldaý kórsetý úlken mártebe. Biz sportshylarymyzdy úlken jetistikter kútip turǵanyna senimdimiz jáne olardyń jeńiske jetý joly, oqý-jattyǵýdy uiymdastyrý – tiimdi bolǵanyn qalaimyz. Bizdiń kompaniia korporativtikáleýmettik jaýapkershilik strategiiasynyń mańyzdy bóligi bolyp tabylatyn otandyq sport túrlerin – fýtbol, ústel tennisi, triatlon, hokkei, velosportty damytýǵa yqpal kórsetýge qýanyshty. Biz jetistikti kózdeitin qoǵamdy qoldaimyz. Paralimpiadashylarǵa jarqyn óner kórsetýdi tileimiz! Sizder úshin búkil el jankúier!".
Otyryp oinaityn voleibol boiynsha erler quramasynyń bas bapkeri Baýyrjan Tahaýov óz rizashylyǵyn bildirdi: «Men Allur kompaniiasyna parasportty damytýǵa qosqan úlesi úshin shyn júrekten alǵys aitamyn. JAC avtobýsyn bizdiń komanda úshin logistikany jáne oqý protsessin uiymdastyrýdy aitarlyqtai jaqsartatyn bolady. Bul qoldaý ásirese Parijde ótetin Paralimpiada oiyndary qarsańynda óte qundy jáne bizge tiimdirek daiyndalyp, joǵary nátijelerge qol jetkizýge kómektesedi. Demeýshilerdiń qatysýy bizdi jańa jeńisterge shabyttandyrady jáne parasporttyń mańyzdylyǵyn kórsetedi».
Kórmede 2024 jyly Parijde ótetin Paralimpiada oiyndarynyń baǵdarlamasyna engizilgen jalpy 22 sport túrinen 8 sport túri kórsetiledi.
Qosymsha aqparat:
Parijdegi Paralimpiada oiyndary
2024 j. 28 tamyz – 8 qyrkúiek aralyǵynda
Dide Eshlar (Didier Echelard) – bedeldi Parij grafika jáne fotosýret mektebiniń túlegi. Ekol Esten (Ecole Estienne) – sport jáne sportshylar taqyrybyndamamandanǵan, Frantsiianyń Paralimpiadalyq sport federatsiiasynyń resmi fotograftarynyń biri bolyp tabylady.
Dide Eshlar 2012 jyly Londonda, 2016 jyly Rioda ótken Paralimpiada oiyndaryn, sondai-aq basqa da Paralimpiada oiyndaryn (jeńil atletika boiynsha álem chempionaty, semserlesý boiynsha álem kýbogy jáne t.b.) jaryqqa shyǵarǵan. https://www.didierechelard.com/
Ospan Ali (Álibek Ibraev) – fotosýretshi, kreator, kóptegen áleýmettik jobalardyń avtory jáne kýratory. Onyń «Balalar keiipkerleri» (UNICEF), «Qaznet fotosýretteriniń tarihy» (AQSh elshiligi), «Men qazaq dalasynyń qyzymyn» jáne «AqJaima» (hospis) jobalary tek Qazaqstan turǵyndary arasynda ǵana emes, sonymen qatar shetelderde de keń qoldaý tapty. Ospan Alidiń týyndylary Milan, Parij, Evle, Malmio, sonymen qatar kóptegen Qazaqstannyń qalalarynda kórmelerge qoiylǵan.
