پاريج - 2024 XVII جازعى پاراليمپيادا ويىندارى قارساڭىندا ق ر ۇلتتىق پاراليمپيادا كوميتەتى، فرانسيانىڭ قازاقستانداعى ەلشىلىگى جانە Esentai Mall ساۋدا ورتالىعى بىرلەسىپ "رۋحى مىقتى" فوتوكورمەسىن اشتى، دەپ حابارلايدى Dalanews.kz. 

كورمە Esentai Mall ساۋدا ورتالىعىندا 14 تامىز بەن 14 قىركۇيەك ارالىعىندا وتەدى. ەكسپوزيسيا پارا سپورتقا جانە پاراليمپيادا قوزعالىسىنىڭ قۇندىلىقتارىنا: باتىلدىق، تەڭدىك، جىگەر مەن شابىتقا ارنالعان جيىرما بەسكە جۋىق فوتوسۋرەتتەرءدى قامتيدى.

كورمەدە جيىرما بەس قازاقستاندىق پارا سپورتشىلاردىڭ پورترەتتەر سەرياسى ۇسىنىلعان، ولاردىڭ كوپشىلىگى 2024 جىلدىڭ 28 تامىزى مەن 8 قىركۇيەگى ارالىعىندا پاريجدە وتەتىن پاراليمپيادا ويىندارىندا قازاقستاننىڭ نامىسىن قورعايتىن ليسەنزياتتار. پورترەتتەرءدى 2024 جىلدىڭ مامىر ايىندا استانا مەن تارازدا ەكى اتاقتى كاسىبي فوتوگراف: فرانسۋز ديدە ەشلار مەن قازاقستاندىق وسپان الي تۇسىرگەن. ءاربىر فوتوسۋرەتتە سپورتشى جانە ونىڭ جەتىستىكتەرى تۋرالى قىسقاشا اقپارات بەرىلگەن.

ق ر ۇلتتىق پاراليمپيادا كوميتەتىنىڭ پرەزيدەنتى قايرات بورانبايەۆ: "پاراليمپيادالىق قوزعالىس سپورتتى بارشاعا قولجەتىمدى ەتۋ ءۇشىن عانا ەمەس، سونىمەن قاتار ادامداردى ءوز الەۋەتىن تولىق ىسكە اسىرۋعا ىنتالاندىرۋ ءۇشىن دە قاجەت. پاراليمپياداشىلار ءوز ۇلگىسىمەن مۇمكىن ەمەس ەشتەڭە جوق ەكەنىن دالەلدەپ وتىر. وسى كورمە ارقىلى ءبىز ولاردىڭ جەتىستىكتەرى مەن ۇلگىلەرىن كورنەكى ەتكىمىز كەلەدى، ويتكەنى ءبىز ولاردى ناعىز باتىرلار دەپ سانايمىز".

ديدە ەشلار: "سىزدەر وسى كورمەدە پورترەتتەرىن كورءىپ وتىرىعان قازاقستاندىق سپورتشىلارمەن كەزدەسىپ، ولاردىفوتوسۋرەتكە ءتۇسىرۋ مەن ءۇشىن ۇلكەن مارتەبە بولدى. ولاردىڭ باتىلدىعى مەن قايسارلىعى مەنىڭ جۇرەگىمدە تەرەڭ اسەر قالدىردى. 2024 جىلى پاريجدە وتەتىن پاراليمپيادا ويىندارىندا قازاقستاندىق سپورتشىلارمەن قايتا كەزدەسۋدى اسىعا كۇتەمىن. سونداي-اق فرانسيا ەلشىلىگىنە، قازاقستان رەسپۋبليكاسىنىڭ ۇلتتىق پاراليمپيادا كوميتەتىنە وسى تاماشا جوبا ءۇشىن جانە وسى كورمەنى سىزدەرگە ۇسىنۋعا مۇمكىندىك بەرگەنى ءۇشىن ەرەكشە العىسىمدى بىلدىرگىم كەلەدى".

وسپان الي: "مەنى پاراليمپياداشىلار شابىتتاندىرادى. شەكتەۋلەرىنە قاراماستان، ولار ومىردەن سىنبايدى، كەرىسىنشە، بيىكتەرگە ۇمتىلادى. مەنىڭ ماقساتىم – ولاردى ءبىز ماقتان تۇتاتىن جىگەرلى جاندار رەتىندە عانا ەمەس، سونداي-اق قاراپايىم ادامدار رەتىندە بەينەلەپ، جەتكىزۋ. ەگەر مەنىڭ كەيىپكەرلەرىم ءبىزدىڭ ورتاق ەڭبەگىمىزدىڭ بەلگىسى رەتىندە پاراليمپيادا ويىندارىندا جۇلدەگەر اتانسا، بۇل مەن ءۇشىن ۇلكەن مارتەبە بولماق".

كورمە اياسىندا وتاندىق Allur زاۋىتىندا شىعارىلعان JAC Sunray شاعىن اۆتوبۋسىنىڭ كىلتى قازاقستان پارا ۆولەيبول فەدەراسياسىنا تابىس ەتىلدى. قازاقستان رەسپۋبليكاسىنىڭ وتىرىپ وينايتىن ۆولەيبول كومانداسى 1996 جىلدان بەرى العاش رەت پاريجدە وتەتىن پاراليمپيادا ويىندارىنا قاتىسۋ ليسەنزياسىن جەڭىپ الدى.

Allur كومپانياسىنىڭ وكىلى ناريمان بەكتۋروۆ:

"ءبىز ءۇشىن الەمنىڭ باستى سپورت مەرەكەسى قارساڭىندا ق رپاراليمپيادالىق ۆولەيبول بويىنشا قۇراماسىنا قولداۋ كورسەتۋ ۇلكەن مارتەبە. ءبىز سپورتشىلارىمىزدى ۇلكەن جەتىستىكتەر كۇتىپ تۇرعانىنا سەنىمدىمىز جانە ولاردىڭ جەڭىسكە جەتۋ جولى، وقۋ-جاتتىعۋدى ۇيىمداستىرۋ – ءتيىمدى بولعانىن قالايمىز. ءبىزدىڭ كومپانيا كورپوراتيۆتىكالەۋمەتتىك جاۋاپكەرشىلىك ستراتەگياسىنىڭ ماڭىزدى بولىگى بولىپ تابىلاتىن وتاندىق سپورت تۇرلەرىن – فۋتبول، ۇستەل تەننيسى، ترياتلون، حوككەي، ۆەلوسپورتتى دامىتۋعا ىقپال كورسەتۋگە قۋانىشتى. بءىز جەتىستىكءتى كوزدەيتىن قوعامدى قولدايمىز. پاراليمپياداشىلارعا جارقىن ونەر كورسەتۋدى تىلەيمىز! سىزدەر ءۇشىن بۇكىل ەل جانكۇيەر!".

وتىرىپ وينايتىن ۆولەيبول بويىنشا ەرلەر قۇراماسىنىڭ باس باپكەرى باۋىرجان تاحاۋوۆ ءوز ريزاشىلىعىن ءبىلدىردى: «مەن Allur كومپانياسىنا پاراسپورتتى دامىتۋعا قوسقان ۇلەسى ءۇشىن شىن جۇرەكتەن العىس ايتامىن. JAC اۆتوبۋسىن ءبىزدىڭ كوماندا ءۇشىن لوگيستيكانى جانە وقۋ پروسەسسىن ۇيىمداستىرۋدى ايتارلىقتاي جاقسارتاتىن بولادى. بۇل قولداۋ اسىرەسە پاريجدە وتەتىن پاراليمپيادا ويىندارى قارساڭىندا وتە قۇندى جانە بىزگە تيىمدىرەك دايىندالىپ، جوعارى ناتيجەلەرگە قول جەتكىزۋگە كومەكتەسەدى. دەمەۋشىلەردىڭ قاتىسۋى ءبىزدى جاڭا جەڭىستەرگە شابىتتاندىرادى جانە پاراسپورتتىڭ ماڭىزدىلىعىن كورسەتەدى».

كورمەدە 2024 جىلى پاريجدە وتەتىن پاراليمپيادا ويىندارىنىڭ باعدارلاماسىنا ەنگىزىلگەن جالپى 22 سپورت تۇرىنەن 8 سپورت ءتۇرى كورسەتىلەدى.

قوسىمشا اقپارات:

پاريجدەگى پاراليمپيادا ويىندارى

2024 ج. 28 تامىز – 8 قىركۇيەك ارالىعىندا

ديدە ەشلار (Didier Echelard) – بەدەلدى پاريج گرافيكا جانە فوتوسۋرەت مەكتەبىنىڭ تۇلەگى. ەكول ەستەن (Ecole Estienne) – سپورت جانە سپورتشىلار تاقىرىبىنداماماندانعان، فرانسيانىڭ پاراليمپيادالىق سپورت فەدەراسياسىنىڭ رەسمي فوتوگرافتارىنىڭ ءبىرى بولىپ تابىلادى.

ديدە ەشلار 2012 جىلى لوندوندا، 2016 جىلى ريودا وتكەن پاراليمپيادا ويىندارىن، سونداي-اق باسقا دا پاراليمپيادا ويىندارىن (جەڭىل اتلەتيكا بويىنشا الەم چەمپيوناتى، سەمسەرلەسۋ بويىنشا الەم كۋبوگى جانە ت.ب.) جارىققا شىعارعان. https://www.didierechelard.com/

وسپان الي (الىبەك يبرايەۆ) – فوتوسۋرەتشى، كرەاتور، كوپتەگەن الەۋمەتتىك جوبالاردىڭ اۆتورى جانە كۋراتورى. ونىڭ «بالالار كەيىپكەرلەرى» (UNICEF)، «قازنەت فوتوسۋرەتتەرىنىڭ تاريحى» (اقش ەلشىلىگى)، «مەن قازاق دالاسىنىڭ قىزىمىن» جانە «AqJaima» (حوسپيس) جوبالارى تەك قازاقستان تۇرعىندارى اراسىندا عانا ەمەس، سونىمەن قاتار شەتەلدەردە دە كەڭ قولداۋ تاپتى. وسپان اءليدىڭ تۋىندىلارى ميلان، پاريج، ەۆلە، ءمالمو، سونىمەن قاتار كوپتەگەن قازاقستاننىڭ قالالارىندا كورمەلەرگە قويىلعان.