«Týǵan jer» forýmyna qatysqan aımaq basshysy jobamen tolyqtaı tanysyp, balanyń dúnıetanymyn erte jastan qalyptastyrý úshin jaǵdaı jasaý qajettigin aıtyp ótti. Joba boıynsha, orta bilim oshaqtarynyń synyptary Nazarbaev zıatkerlik mektebinde ornatylǵan tehnıkalar syndy jańa qural-jabdyqtarmen qamtylmaq.
– Biz Nazarbaev zıatkerlik mektebiniń oqý tájirıbesin jáne kórsetkishterin tolyqtaı zerttep, qorytyndy shyǵardyq. Qazirde oblystaǵy 277 mektepte 425 synypty jańashalandyryp, qural-jabdyqtar ornatý qajet. Sonyń ishinde, 38 fızıka synybyn, 37 hımıa, 78 bıologıa, 272 robototehnıka synyptaryn jalpy quny 2,8 mlrd teńgege jabdyqtaımyz, – dedi oblys basshysy Danıal Ahmetov.
Qazirdiń ózinde bilim salasyna qoldaý kórsetip jatqan kásipkerler az emes. Shemonaıha aýdanynda ornalasqan «Vydrıhınskoe» JSHS basshysy Aleksandr Belkın óz qarajatyna Vydrıha aýyldyq orta mektebiniń synybyn robototehnıka synybymen jabdyqtady. Al zaısandyq kásipker, «Bota» sharýa qojalyǵynyń basshysy Qaratal aýyldyq orta mektebiniń geografıa synybyn jabdyqtaýǵa qoldaý kórsetken.
Forým barysynda SHQO ákimi Danıal Ahmetov aıtyp ótkendeı, bilim salasyna bólingen ınvestısıa – memleket damýynyń kepili.
SHQO ákiminiń baspasóz qyzmeti
https://dalanews.kz/30625
