«Rýhani jańǵyrý – halyqtyń rýhani- adamgershilik jáne patriottyq tárbie jumysynyń jańa kezeńi» degen ataýmen ótken seminarǵa "Rýhani jańǵyrý" Qazaqstandyq qoǵamdyq damý institýty" KEAQ-nyń menedjerleri, aimaqtyq jobalyq ofisterdiń basshylary men mamandary, basqarmalar men joo-ǵy jaýapty tulǵalar onlain rejiminde qatysty.
Vebinar moderatory «Rýhani jańǵyrý» óńirlik ortalyǵynyń basshysy Mádeniet Ahmetova qatysýshylardy úsh jyldyqpen quttyqtap, memlekettik Baǵdarlamany óńirlerde nátijeli júzege asyryp, Elbasynyń alǵa qoiǵan mindetterin halyqqa jetkize bilgen jobalyq ofisterge rizashylyǵyn bildirdi.
Sonymen qatar, osy ýaqyt aralyǵynda atqarylǵan jumys barysyn qorytyndylap, basty mindetterge toqtalyp, jumysqa qajetti nusqaýlyq tizimin usyndy. Búginde óńirde «Rýhani jańǵyrý» baǵdarlamasy aiasynda 18 óńirlik joba men 17 kishi joba júzege asyrylyp keledi.
Mádeniet Medeýhanqyzy aityp ótkendei, «Rýhani jańǵyrý» - Abaidyń danalyǵy, Áýezovtiń ǵulamalyǵy, Jambyldyń jyrlary men Qurmanǵazynyń kúileri, ǵasyrlar qoinaýynan jetken babalar úni siiaqty. Osy rette Shyǵys Qazaqstanda tarihi mura men ádebiet sabaqtastyǵyn úńdestire bilgen jobalar qatary ár formatta ótkizilip, 3 jyl ishinde 8 myńnan astam is-sharaǵa ulasty.
Vebinarǵa qosylǵan "Rýhani jańǵyrý" Qazaqstandyq qoǵamdyq damý institýty" KEAQ menedjerleri Serik Moldaǵaliev pen Jazira Kamenova Baǵdarlamany júzege asyrý barysynda kórsetiletin metodikalyq kómek pen saraptamalyq jumystyń júrgizilý barysyna toqtaldy. Respýblikalyq institýt kúndelikti óńirlerde ótkizilgen sharalardyń barysyna analitikalyq taldaý júrgizip, aimaqaralyq tájiribe almasýǵa basa nazar aýdaryp keledi.
«Rýhani jańǵyrý» baǵdarlamasyn jobalyq menedjmentpen sabaqtastyrý, josparly túrde jumys júrgizý týraly ShQO QR Prezidenti janyndaǵy memlekettik basqarý akademiiasynyń oqytýshysy Gýlfiia Berikpolova baiandama jasady.
– Jobalyq menedjmentti tiisti uiymdastyrǵan kezde, júieli jumys bolady. Sondyqtan Baǵdarlamany júzege asyrý júielikke negizdelý kerek, - dedi baiandamashy óz sózinde.
Semei qalasyndaǵy jobalyq ofis jetekshisi Baqytgúl Oralbekova men Jarma aýdandyq bilim berý bóliminiń basshysy Qanat Shaimuratov Baǵdarlamanyń óńirlerde júzege asyrylýy, sharalarǵa jastardy tartý men patriottyq tárbie berý jóninde baiandama jasady.
Al, Ridder qalalyq ishki saiasat bóliminiń basshysy Anar Dúkenbaeva «Rýhani jańǵyrý» baǵdarlamasyn aqparattyq qamtamasyz etý tóńireginde sóz qozǵady.
Úsh jylda Ridder qalasynda baǵdarlama aiasynda ótkizilgen sharalar týraly 3 myńnan astam aqparattyq material jaryq kórip, áleýmettik jelilerde aqparat taratý qarqyny artty.
– Búginde tsifrlyq bailanystyń damyǵan shaǵy. Sondyqtan árbir sharany aqparattyq qamtamasyz etý úderisin keńeitip, operativti jolǵa qoiýymyz kerek. Óitkeni qoǵammen keri bailanys bolǵan kezde ǵana, jumys nátijesi bolady, - dedi Mádeniet Ahmetova óz qorytyndy sózinde.
Sonymen qatar, vebinar qorytyndysy boiynsha óńirlik ortalyq basshysy Mádeniet Medeýhanovna "Rýhani jańǵyrý" Qazaqstandyq qoǵamdyq damý institýty" KEAQ-men birlese jasalǵan usynystardy tizbektep ótti. Azamattyq qoǵamdy, ultaralyq jáne jergilikti qoǵamdastyqtyń, pragmatizm men qoǵamnyń evoliýtsiialyq damýyna baǵyttalǵan usynystar barlyq jobalyq ofisterge arnalǵan.
Aldaǵy ýaqytta josparly túrde júzege asyrylatyn usynystar jańa qazaqstandyq qoǵam úlgisin qalyptastyryp, azamattardyń zamanýi kózqarasyn rýhani jańǵyrýmen sabaqtastyratyn bolady.
