Almatyda atys uiymdastyryp, alty adamdy ajal qushtyrǵan Rýslan Kúlikbaev sot pen politsiiadan kek almaq bolǵan.
Bul týraly Vremia gazetine silteme jasaǵan kaz.365info.kz jazady. Basylym tilshisi Kúlikbaevtyń tergeý kezindegi túsiniktemesinen shaǵyn úzindi jariialapty. Sonymen, ol ne dedi?
Óz sózinde Kúlikbaev bala kezinen kásibi túrde kikboksingpen ainalysqanyn aitqan. Tipti, oblystyq jarystarda óner kórsetken eken. Alaida júldeli oryndarǵa ilikpepti.
– Áskerde bolǵan joqpyn, biraq ańshylyq qabiletim jaqsy damyǵan. Sebebi, budan buryn kásibi túrde peintbolmen ainalystym.
Men shynymen de sottardan, prokýrorlardan jáne politsiiadan ósh alǵym keldi. Sebebi, meni ádiletsiz túrde túrmege japty.
Aldymen men Almaly aýdandyq sotyna bardym, biraq ol jaqta forma kigen eshkimdi kezdestirgem joq. Osy aradan Almaly aýdandyq ishki ister basqarmasyna týra tartyp, posttan syrtqa shyǵyp kele jatqan adamdy attym.
Sosyn basqa politseilerge oq jaýdyrdym. Men forma kigenderdi ǵana kózdedim, beibit turǵyndarǵa oq atqan joqpyn, – deidi Kúlikbaev.
Al jezóksheniń óltirýine qatysty mynadai túsinikteme beripti:
«Budan buryn men onymen jáne onyń qurbylarymen kezdesip, isteriniń haram ekenin aitqam. Onyń ústine, bul qasietti Ramazan aiy bolatyn. Olar maǵan qulaq asqan joq. Mine, sol kezde ony atyp óltirdim. Makarov tapanshasyn kósheden taýyp aldym, qai jerde ekeni esimde joq…».
Kúlikbaevtyń qolynda bolǵan eki qarýdy da politseiler tekserip úlgeripti, ekeýi de esh jerde tirkelmegen jáne basqa qylmystarǵa qatysy joq.
