Rýdnyi qalasynyń turǵyny Ekaterina Korchaginaǵa qatysty “usaq buzaqylyq” baby boiynsha ákimshilik is qozǵaldy, dep habarlaidy Dalanews.kz.
Politsiianyń málimdeýinshe, 21 qarashada ótken qoǵamdyq tyńdaý barysynda áiel belgilengen reglamentti buzyp, dóreki ári beiádep sózder qoldanǵan. Bul áreketimen ol qatysýshylarǵa qurmetsizdik kórsetip, qoǵamdyq tártipti buzǵan.
Ákimshilik sot áielge 20 AEK (78 640 teńge) kóleminde aiyppul saldy.
Eske salaiyq, 21 qarasha kúni Rýdnyi qalasynda kóshe ataýlaryn ózgertýge arnalǵan tarihi qoǵamdyq tyńdaý ótti.
Tyńdalymda qaladaǵy Ivan Franko kóshesin - Áliia Moldaǵulova, al 50 let Oktiabria kóshesin - Dostyq dep ózgertý máselesi qaraldy. Rýdnyi qalasynyń belsendisi ári jergilikti avtomekteptiń direktory Ekaterina Korchagina tyńdaý kezindegi sózimen qyzý talqyǵa tústi.
Bul oqiǵaǵa qatysty saiasattanýshy Daniiar Áshimbaev nazar aýdaryp, taldaý jasaǵan bolatyn.
Al zańger Ádilethan Moldahan Korchaginanyń áreketin “ultaralyq arazdyqty qozdyrýdyń mádeni nusqasy” dep baǵalap, onyń sózi Qylmystyq kodekstiń 174-baby boiynsha saralanýy múmkin ekenin aitty.
"Aryz jazamyz. Basqa ult ókilderine aitarym: Qazaqstanda turý unamai ma, reglament, zańnamasy unamai ma - basqa elge kóshińizder. Bul ultaralyq alaýyzdyqtyń mádenie túri. "Reglamentterińizge túkirgenim bar" dep tur. Qazir keńes úkimeti joq", - dedi zańger.
