"Sokolov-Sarybai" ken ornynda baqylaýsyz jarylys bolyp, bir jumysshy zardap shekti, dep habarlaidy Dalanews.kz.
Oqiǵa 5 qańtarda bolǵan. Bul aqparatty kásiporynnyń korporativtik kommýnikatsiialar qyzmeti rastady.
Vedomstvo málimetinshe, 25 jyldyq tájiribesi bar 55 jastaǵy mashinist iri ken kesekteriniń keptelýin joiý jumystaryn atqaryp jatqan. Atalǵan jumystar óndiristik jarylǵysh zattardy qoldaný arqyly oryndalǵan.
Baqylaýsyz jarylys nátijesinde jumysker jaraqat alyp, Rýdnyi qalalyq aýrýhanasyna jetkizildi.
Qazirgi ýaqytta oqiǵaǵa bailanysty qyzmettik tergeý bastaldy.
