"سوكولوۆ-سارىباي" كەن ورنىندا باقىلاۋسىز جارىلىس بولىپ، ءبىر جۇمىسشى زارداپ شەكتى، دەپ حابارلايدى Dalanews.kz.
وقيعا 5 قاڭتاردا بولعان. بۇل اقپاراتتى كاسىپورىننىڭ كورپوراتيۆتىك كوممۋنيكاسيالار قىزمەتى راستادى.
ۆەدومستۆو مالىمەتىنشە، 25 جىلدىق تاجىريبەسى بار 55 جاستاعى ماشينيست ءىرى كەن كەسەكتەرىنىڭ كەپتەلۋىن جويۋ جۇمىستارىن اتقارىپ جاتقان. اتالعان جۇمىستار وندىرىستىك جارىلعىش زاتتاردى قولدانۋ ارقىلى ورىندالعان.
باقىلاۋسىز جارىلىس ناتيجەسىندە جۇمىسكەر جاراقات الىپ، رۋدنىي قالالىق اۋرۋحاناسىنا جەتكىزىلدى.
قازىرگى ۋاقىتتا وقيعاعا بايلانىستى قىزمەتتىك تەرگەۋ باستالدى.
