Rýdnyi qalasynda dúkenderdiń birinde shabýyl jasalyp, qylmystyq is qozǵaldy, dep habarlaidy DalaNews.
Oqiǵa Lenin kóshesindegi dúkende bolǵan. Áleýmettik jelilerdegi málimetterge sáikes, ishke kirgen eki er adam agressivti áreket tanytyp, múlikti búldirgen. Olardyń biri kassa janyndaǵy kalkýliatordy syndyrsa, ekinshisi qaiyrymdylyq jáshiginiń plombasyn julyp alǵan.
Kúdiktiler jáshiktegi qaǵaz aqshany alyp ketken, al tiyndardy qaldyrǵan. Sondai-aq, múmkindigi shekteýli jandarǵa arnalǵan kótergish qurylǵy da zaqymdanǵan.
Oqiǵadan keiin dúken qyzmetkerleri politsiia shaqyrǵan. Kúdiktilerdiń jeke basy anyqtalǵanymen, urlanǵan aqsha tabylmaǵan.
Qostanai oblysy politsiia departamentiniń málimetinshe, atalǵan derek boiynsha Rýdnyi qalasynyń 32 jastaǵy turǵynyna qatysty qylmystyq is qozǵaldy. Qazirgi ýaqytta ol densaýlyǵyna bailanysty meditsinalyq mekemege ornalastyrylǵan.
Tergeý amaldary júrgizilip jatyr.
