Roza Rymbaeva: «Álidiń ánderin túsinbeimin»
Bul týraly Roza Qýanyshqyzy Hit-TV arnasyna, Nurjan Atashtyń “Kezder-ai” baǵdarlamasyna bergen suhbatynda aitty, dep jazady Stan.kz.
– Balam fortepianoǵa baramyn dep, sol jolmen ketti. 1-synyptan bastap tek qana 5-ke oqydy. Álidiń mektebiniń qasynda qabyrǵasy ortaq balabaqsha boldy, ekinshi ulym Mádidi sonda berdim. Balabaqshanyń sharbaqtarynyń ishine balalar úziliske shyǵady ǵoi, sol kezde Áli de syrtqa shyǵady eken. Mádi sharbaqtyń ishinen Álidi kórip, qolyn sozyp “Áli aǵa” dep baqyryp jylaidy. Keiin Áli úziliske shyqpaityn boldy. Mádi balabaqshany bitirgen soń “Álidiń mektebine baram, ol qaida oinasa men de sonda oinaimyn” dep turyp aldy. Sonymen ekeýi de osy mýzykalyq mektepti bitirdi. Ekeýiniń ustazy da bir – Turar Aqbergenqyzy. Bir jaǵynan, balalarymnyń meniń mamandyǵymmen, ákesiniń mamandyǵymen júrgenine qýanamyn. Sebebi qanmen berilgen nárse. Tegimizdiń barlyǵy mýzykant bolǵannan keiin, balalar qaida barady? – deidi Roza Qýanyshqyzy.
Rymbaevanyń balasy shyqpaǵanda, kim shyǵady? Halyq artisine dál osylai dep syn aitqan tyńdarmandar qarasy da az bolmaǵan. Alaida min taǵarlarǵa Roza Qýanyshqyzynyń berer jaýaby mynadai.
– Men balamdy myna kontsertke al, habarǵa túsir, toiǵa qos dep eshqashan oiyma kelgen emes. Balam óz jolymen, óz mýzykasymen kele jatyr. Kerek deseńiz, ol oryndaityn ánderdiń keibirin men túsinbeimin de. Sebebi ol múldem basqa mýzyka, basqa baǵdarlama, basqa stil, ritm. Búgingi jastardyń mýzykasy. Onyń mýzykasyna qatysym joq. Onyń ósý joly mýzyka redaktorlaryna, televiziialyq kontserttiń redaktorlaryna bailanysty. Olar unamasa kirgizbeitin de edi. Rymbaevanyń balasy bolǵany oǵan bir jaǵy kedergi. Sebebi6 erekshe synmen qaraidy. Talap ta, syn da kóbirek. Kórealmaýshylyq ta bar. Sondyqtan balam óz eńbegimen sonyń bárin dáleldep kelel3. Al kishi ulym sahnaǵa jańadan qadam basyp keledi, – deidi Rymbaeva.
