بۇل تۋرالى روزا قۋانىش قىزى Hit-TV ارناسىنا، نۇرجان اتاشتىڭ “كەزدەر-اي” باعدارلاماسىنا بەرگەن سۇحباتىندا ايتتى، دەپ جازادى Stan.kz.
– بالام فورتەپيانوعا بارامىن دەپ، سول جولمەن كەتتى. 1-سىنىپتان باستاپ تەك قانا 5-كە وقىدى. ءاليدىڭ مەكتەبىنىڭ قاسىندا قابىرعاسى ورتاق بالاباقشا بولدى، ەكىنشى ۇلىم ءماديدى سوندا بەردىم. بالاباقشانىڭ شارباقتارىنىڭ ىشىنە بالالار ۇزىلىسكە شىعادى عوي، سول كەزدە ءالي دە سىرتقا شىعادى ەكەن. ءمادي شارباقتىڭ ىشىنەن ءاليدى كورىپ، قولىن سوزىپ “ءالي اعا” دەپ باقىرىپ جىلايدى. كەيىن ءالي ۇزىلىسكە شىقپايتىن بولدى. ءمادي بالاباقشانى بىتىرگەن سوڭ “ءاليدىڭ مەكتەبىنە بارام، ول قايدا ويناسا مەن دە سوندا وينايمىن” دەپ تۇرىپ الدى. سونىمەن ەكەۋى دە وسى مۋزىكالىق مەكتەپتى ءبىتىردى. ەكەۋىنىڭ ۇستازى دا ءبىر – تۇرار اقبەرگەن قىزى. ءبىر جاعىنان، بالالارىمنىڭ مەنىڭ ماماندىعىممەن، اكەسىنىڭ ماماندىعىمەن جۇرگەنىنە قۋانامىن. سەبەبى قانمەن بەرىلگەن نارسە. تەگىمىزدىڭ بارلىعى مۋزىكانت بولعاننان كەيىن، بالالار قايدا بارادى؟ – دەيدى روزا قۋانىش قىزى.
رىمبايەۆانىڭ بالاسى شىقپاعاندا، كىم شىعادى؟ حالىق ارتيسىنە ءدال وسىلاي دەپ سىن ايتقان تىڭدارماندار قاراسى دا از بولماعان. الايدا ءمىن تاعارلارعا روزا قۋانىش قىزىنىڭ بەرەر جاۋابى مىناداي.
– مەن بالامدى مىنا كونسەرتكە ال، حابارعا ءتۇسىر، تويعا قوس دەپ ەشقاشان ويىما كەلگەن ەمەس. بالام ءوز جولىمەن، ءوز مۋزىكاسىمەن كەلە جاتىر. كەرەك دەسەڭىز، ول ورىندايتىن اندەردىڭ كەيبىرىن مەن تۇسىنبەيمىن دە. سەبەبى ول مۇلدەم باسقا مۋزىكا، باسقا باعدارلاما، باسقا ستيل، ريتم. بۇگىنگى جاستاردىڭ مۋزىكاسى. ونىڭ مۋزىكاسىنا قاتىسىم جوق. ونىڭ ءوسۋ جولى مۋزىكا رەداكتورلارىنا، تەليەۆيزيالىق كونسەرتتىڭ رەداكتورلارىنا بايلانىستى. ولار ۇناماسا كىرگىزبەيتىن دە ەدى. رىمبايەۆانىڭ بالاسى بولعانى وعان ءبىر جاعى كەدەرگى. سەبەبى6 ەرەكشە سىنمەن قارايدى. تالاپ تا، سىن دا كوبىرەك. كورەالماۋشىلىق تا بار. سوندىقتان بالام ءوز ەڭبەگىمەن سونىڭ ءبارىن دالەلدەپ كەلەl3. ال كىشى ۇلىم ساحناعا جاڭادان قادام باسىپ كەلەدى، – دەيدى رىمبايەۆا.
