Qazaqstannyń tanymal estrada ánshisi Roza Rymbaeva alaiaqtyń qurbany boldy, dep habarlaidy Dalanews.kz.
2023 jyly 20 jeltoqsanda sotta S.Bekqaiyrovqa qatysty QK-niń 190-babynyń 4-bóliginiń 2-tarmaǵyna sáikes qylmystyq is qozǵalady. Osylaisha basty sot talqylaýy 2024 jyldyń 9 qańtaryna belgilengen bolatyn.
Belgili bolǵandai, bul jaisyz oqiǵa 2013 jyly bastaý alǵan. Jumyssyz júrgen Bekqaiyrov S. (1961 j.t.) óziniń alystaǵy tanysy Turlyhanov D.-men jolyǵady.
"Kezdesý barysynda ol investitsiialyq jobaǵa aqsha qajet ekenin aityp, jalǵan aqparat beredi. Jábirlenýshi Turlyhanov Bekqaiyrovqa senip, oǵan 1 million 200 000 AQSh dollary kóleminde aqsha tabystaǵan. Al Bekqaiyrov ony qaitarmaǵan", - delingen sot materialdarynda.
2017 jyly Bekqaiyrov tanystary arqyly Roza Rymbaevanyń 400 myń dollarǵa páterin satyp jatqanyn biledi. Alaiaq óner iesine habarlasyp, kezdesý uiymdastyrady.
"Kezdesý barysynda ol páterdi satýǵa kóndiredi. Biraq aqshasyn keiinirek beretinin aitady. Notariýspen satyp alý-satý shartyn jasasqan Bekqaiyrov Rymbaevaǵa 195 myń dollar tabystaidy. Alaida qalǵan qarajatyn qaitarmaidy. Osylaisha alaiaq Rymbaevaǵa 69 427 350 teńge materialdyq shyǵyn keltirgen", - deidi sot.
Bul qylmystyq is boiynsha birinshi sot otyrysy 2024 jyldyń 9 qańtarynda ótken. Alaida ekinshi sot kúni áli belgilenbegen.
Aiyptalýshynyń advokaty onyń Qazaqstannan tys jerde ekenin aityp, sot otyrysyn alaiaqtyń qatysýymen ótkizýdi talap etip otyr.
