قازاقستاننىڭ تانىمال ەسترادا ەنشٸسٸ روزا رىمباەۆا الاياقتىڭ قۇربانى بولدى, دەپ حابارلايدى Dalanews.kz.
2023 جىلى 20 جەلتوقساندا سوتتا س.بەكقايىروۆقا قاتىستى قك-نٸڭ 190-بابىنىڭ 4-بٶلٸگٸنٸڭ 2-تارماعىنا سەيكەس قىلمىستىق ٸس قوزعالادى. وسىلايشا باستى سوت تالقىلاۋى 2024 جىلدىڭ 9 قاڭتارىنا بەلگٸلەنگەن بولاتىن.
بەلگٸلٸ بولعانداي, بۇل جايسىز وقيعا 2013 جىلى باستاۋ العان. جۇمىسسىز جٷرگەن بەكقايىروۆ س. (1961 ج.ت.) ٶزٸنٸڭ الىستاعى تانىسى تۇرلىحانوۆ د.-مەن جولىعادى.
"كەزدەسۋ بارىسىندا ول ينۆەستيتسييالىق جوباعا اقشا قاجەت ەكەنٸن ايتىپ, جالعان اقپارات بەرەدٸ. جەبٸرلەنۋشٸ تۇرلىحانوۆ بەكقايىروۆقا سەنٸپ, وعان 1 ميلليون 200 000 اقش دوللارى كٶلەمٸندە اقشا تابىستاعان. ال بەكقايىروۆ ونى قايتارماعان", - دەلٸنگەن سوت ماتەريالدارىندا.
2017 جىلى بەكقايىروۆ تانىستارى ارقىلى روزا رىمباەۆانىڭ 400 مىڭ دوللارعا پەتەرٸن ساتىپ جاتقانىن بٸلەدٸ. الاياق ٶنەر يەسٸنە حابارلاسىپ, كەزدەسۋ ۇيىمداستىرادى.
"كەزدەسۋ بارىسىندا ول پەتەردٸ ساتۋعا كٶندٸرەدٸ. بٸراق اقشاسىن كەيٸنٸرەك بەرەتٸنٸن ايتادى. نوتاريۋسپەن ساتىپ الۋ-ساتۋ شارتىن جاساسقان بەكقايىروۆ رىمباەۆاعا 195 مىڭ دوللار تابىستايدى. الايدا قالعان قاراجاتىن قايتارمايدى. وسىلايشا الاياق رىمباەۆاعا 69 427 350 تەڭگە ماتەريالدىق شىعىن كەلتٸرگەن", - دەيدٸ سوت.
بۇل قىلمىستىق ٸس بويىنشا بٸرٸنشٸ سوت وتىرىسى 2024 جىلدىڭ 9 قاڭتارىندا ٶتكەن. الايدا ەكٸنشٸ سوت كٷنٸ ەلٸ بەلگٸلەنبەگەن.
ايىپتالۋشىنىڭ ادۆوكاتى ونىڭ قازاقستاننان تىس جەردە ەكەنٸن ايتىپ, سوت وتىرىسىن الاياقتىڭ قاتىسۋىمەن ٶتكٸزۋدٸ تالاپ ەتٸپ وتىر.
