«Rosatomnyń» tehnikalyq akademiiasynda Ózbekstannan kelgen mamandardyń eki aptalyq taǵylymdamasy ótti. Ol «Rosatom» memlekettik korporatsiiasy men «Ýzatom» agenttigi arasyndaǵy ýaǵdalastyqtarǵa sáikes uiymdastyryldy. Baǵdarlamanyń negizgi mindeti birinshi ózbek atom elektr stansasynyń qyzmetkerlerin oqytýdyń keshendi júiesin qurý úshin tájiribe berý boldy. Taǵylymdama baǵdarlamasy qyzmetkerlerdi oqytýdyń integratsiialanǵan tásiline, qazirgi zamanǵy oqý-jattyǵý ortalyqtaryn jobalaý, jabdyqtaý jáne jumys isteý ádisnamasyn zerdeleýge baǵyttalǵan, dep habarlaidy Dalanews.kz.
Taǵylymdamadan ótýshilerdi kásiporynnyń biregei óndiristik bazasymen tanystyrdy: jóndeý daǵdylaryn pysyqtaýǵa arnalǵan trenajerlar men maketter jáne AES jedel personalyn daiarlaýǵa arnalǵan tolyqqandy trenajerler, tájiribelik daiyndyq ortalyǵyndaǵy sabaqtar atom stansasy jabdyqtarynyń jumysy týraly naqty túsinik berdi. Tek syzba nusqalarmen ǵana emes, sonymen qatar naqty istegi jumystar kórsetilip, abstraktili bilimdi injenerlik tájiribege ainaldyrdy.
«Rosatomnyń» tehnikalyq akademiiasynda teoriialyq oqytý úlken jattyǵý bazasynda ótkiziletin tájiribemen biriktirilgen. Alynǵan bilim biz úshin óte paidaly. Bizdiń aldymyzda úlken kólemdegi jaýapty jumys kútip tur. Bilikti mamandar qajet bolady. Tehnikalyq akademiianyń Novovoronej filialy bizdiń kadrlardy daiarlaý úshin tamasha bastapqy alań bolady», - dedi Ózbekstandaǵy AES qurylysy direktsiiasynyń tehnikalyq bóliminiń bas mamany Dilmýratov Ferýz Dilmýrotýgli.
Taǵylymdamadan ótýshiler tehnikalyq akademiianyń Novovoronej alańynda ornatylǵan naqty jabdyqtarmen jumys jasai otyryp, protsestiń fizikasyn dinamikada baiqap kórý, eń bastysy joǵary kerneý men qysymnyń bolmaýy kásibi daǵdylary joq adamnyń qaýipsizdigi úshin óte mańyzdy.
«Ózbekstanda AES úshin kadrlar daiarlaýdyń óz tájiribesi áli joq. Reseide institýt túleginenbastap daiyn mamanǵa deiingi bilim berý júiesi quryldy. Sondyqtan biz tehnikalyq akademiiaǵa bárin egjei-tegjeili oqýǵa keldik. ÝTO qurylysyna qoiylatyn talaptardy zerdelep, qyzmetkerlerdi daiarlaý ádistemelerimen, jattyǵý bazasymen tanysty. Biz «Rosatommen» yntymaqtastyqty jalǵastyrýǵa niettimiz», - dep atap ótti Ózbekstandaǵy AES qurylysy direktsiiasynyń ónerkásiptik qaýipsizdik jónindegi bas mamany Djabborov Behrýzjon Djafar ýgli.
Baǵdarlamanyń sońǵy kezeńi Novovoronej atom elektr stansasyna sapar boldy. Taǵylymdamadan ótýshilerge zerttelgen materialdy qoldanystaǵyatom stansasy jaǵdaiynda tájiribelik qoldaný kórsetildi. Delegatsiia innovatsiialyq energobloktardy paidalaný protsesiniń qalai júrip jatqanyn kóre aldy.
Anyqtama: 2024 jyly «Rosatom» memlekettik korporatsiiasy men Ózbekstan Respýblikasynyń Ministrler kabineti janyndaǵy atom energiiasy Agenttigi Resei jobasy boiynsha Ózbekstanda qýaty az atom stansasyn salýǵa álemdegi alǵashqy eksporttyq kelisimshartqa qol qoidy. 2025 jyly taraptar qol qoiǵan jobany iske asyrýdyń negizgi sharttary týraly qosymsha kelisimde VVER-1000 býyn 3+ bazasynda qýattylyǵy joǵary eki energiia blogyn jáne árqaisysynyń qýattylyǵy 55 MVt RITM-200n reaktorlary bar eki energiia blogyn salý kózdeledi.
2022 jyly «Rosenergoatom kontserni» AQ, «Rosatomnyń» tehnikalyq Akademiiasy jáne «Ýzatom» agenttigi Ózbekstannyń Ulttyq iadrolyq infraqurylymyn damytýǵa, sondai-aq iadrolyq tehnologiialar jáne olardy qoldaný týraly kópshiliktiń aqparattanýyn arttyrýǵa baǵyttalǵan ózara túsinistik týraly Memorandýmǵa qol qoidy. Qujat sheńberinde Ózbekstan mamandary «Rosatomnyń» tehnikalyq Akademiiasy atom energiiasy jónindegi halyqaralyq agenttikpen birlesip uiymdastyrǵan aǵartý jáne oqytý is-sharalaryna qatysady.
«Rosatom tehnikalyq akademiiasy» QKB AKU — «Rosatom» memlekettik korporatsiiasynyń bilim berý, ǵylymi-ádistemelik ortalyǵy. Uiym qosymsha kásiptik bilim berýge jáne atom energetikasy men ónerkásip basshylary men mamandaryn kásiptik qaita daiarlaýǵa, sondai-aq qyzmetkerlerdi attestattaýǵa mamandanǵan.
Resei barlyq múddeli eldermen yntymaqtastyqty belsendi damytýda. Iri halyqaralyq jobalardy iske asyrý jalǵasýda. «Rosatom» jáne onyń bólimsheleri bul jumysqa belsendi qatysady.
