Premer-ministrdiń birinshi orynbasary Roman Skliar John Deere kompaniiasy ókilderimen kezdesý ótkizdi, dep habarlaidy Dalanews.kz.
Premer-ministrdiń birinshi orynbasary Roman Skliar TMD elderi men John Deere kompaniiasynyń Ortalyq Aziia boiynsha prezidenti Chaba Leikomen kezdesti. Kezdesý barysynda lokalizatsiialaý baǵdarlamasy, servistik qyzmetti damytý, jumys oryndaryn ashý, qazaqstandyq injenerlerdi oqytý, sondai-aq Qazaqstannyń tehnika men qosalqy bólshekterdi jetkizý boiynsha TMD elderine arnalǵan ortalyq logistika habyna ainalý múmkindigi talqylandy.
Kezdesý barysynda Roman Skliar jańa óndiristiń iske qosylýy otandyq mashina jasaý salasynyń damýy men aýyl sharýashylyǵy sektoryna zamanaýi tehnologiialardy engizýdegi mańyzdy qadam ekenin atap ótti.
John Deere — aýyl sharýashylyǵy tehnikasyn óndirý boiynsha álemdik kóshbasshy. Qazaqstanda onyń ónimderin lokalizatsiialaý salanyń damýyna serpin beretin mańyzdy kezeńi bolady.
John Deere óndirisin lokalizatsiialaý Úkimettiń aýylsharýashylyq tehnikasy parkin jańartý boiynsha sharalaryn nyǵaitatynyn atap ótken jón.
