پرەمەر-مينيستردىڭ ءبىرىنشى ورىنباسارى رومان سكليار John Deere كومپانياسى وكىلدەرىمەن كەزدەسۋ وتكىزدى، دەپ حابارلايدى Dalanews.kz.
پرەمەر-مينيستردىڭ ءبىرىنشى ورىنباسارى رومان سكليار تمد ەلدەرى مەن John Deere كومپانياسىنىڭ ورتالىق ازيا بويىنشا پرەزيدەنتى چابا لەيكومەن كەزدەستى. كەزدەسۋ بارىسىندا لوكاليزاسيالاۋ باعدارلاماسى، سەرۆيستىك قىزمەتتى دامىتۋ، جۇمىس ورىندارىن اشۋ، قازاقستاندىق ينجەنەرلەردى وقىتۋ، سونداي-اق قازاقستاننىڭ تەحنيكا مەن قوسالقى بولشەكتەردى جەتكىزۋ بويىنشا تمد ەلدەرىنە ارنالعان ورتالىق لوگيستيكا حابىنا اينالۋ مۇمكىندىگى تالقىلاندى.
كەزدەسۋ بارىسىندا رومان سكليار جاڭا ءوندىرىستىڭ ىسكە قوسىلۋى وتاندىق ماشينا جاساۋ سالاسىنىڭ دامۋى مەن اۋىل شارۋاشىلىعى سەكتورىنا زاماناۋي تەحنولوگيالاردى ەنگىزۋدەگى ماڭىزدى قادام ەكەنىن اتاپ ءوتتى.
John Deere — اۋىل شارۋاشىلىعى تەحنيكاسىن ءوندىرۋ بويىنشا الەمدىك كوشباسشى. قازاقستاندا ونىڭ ونىمدەرىن لوكاليزاسيالاۋ سالانىڭ دامۋىنا سەرپىن بەرەتىن ماڭىزدى كەزەڭى بولادى.
John Deere ءوندىرىسىن لوكاليزاسيالاۋ ۇكىمەتتىڭ اۋىلشارۋاشىلىق تەحنيكاسى پاركىن جاڭارتۋ بويىنشا شارالارىن نىعايتاتىنىن اتاپ وتكەن ءجون.
