Robototehnikadan úzdik ýniversitet anyqtalady
Is-shara Qazaqstan Respýblikasynyń Tuńǵysh Prezidenti kúnine, Táýelsizdiktiń 30 jyldyǵyna arnalǵan jáne «Tsifrlyq Qazaqstan» jáne «Rýhani jańǵyrý» baǵdarlamalaryn damytý aiasynda júzege asyrylady.
«ETU Robocon – 2021» chempionaty – Arduino platformasyna negizdelgen robototehnika boiynsha stýdenttik komandalar arasyndaǵy jarys. Bul jas ǵalymdarǵa robottardy ázirleýdi nólden bastaýǵa múmkindik beredi. Qurastyrý men mehanikadan, sodan keiin elektronikadan jáne robottyń intellekt baǵdarlamasyn jazýǵa deiin múmkindik bar. Osylaisha, chempionattyń árbir qatysýshysy IT, elektronika jáne robototehnika salasyndaǵy ǵylymmen ainalysatyn kez kelgen ǵylymi institýtta kishi laborant laýazymyna laiyqty daiyn jas maman bop shyǵady.
Jobanyń maqsaty – daryndy, talantty jas qazaqstandyqtarǵa jańa tehnologiialar men robototehnika salasynda startaptar qurý, innovatsiialyq sheshimderdi ázirleý, baǵdarlamalaý, injiniring jáne t.b. boiynsha bilim men baǵdy berý.
2019 jyly robototehnikadan joǵary oqý oryndary arasynda ótken I respýblikalyq chempionattyń qorytyndysy boiynsha 15 qatysýshy komandanyń ishinen: Almaty Management University – 1 oryn, Ál-Farabi atyndaǵy QazUÝ – 2 oryn, Radioelektronika jáne bailanys áskeri-injenerlik institýty – 3 oryn alyp, jeńimpaz atanǵan.
Biyl Chempionatqa Nur-Sultan, Almaty, Qyzylorda, Pavlodar, Óskemen jáne Almaty oblystarynan 15 komanda qatysady. Baiqaý jeńimpazdary 3D printer, kvadrokopter, noýtbýk jáne t.b. baǵaly syilyqtarmen marapattalady.
Komandalardyń óneri YouTube jelisinde kórsetiledi.
Ótetin orny: Almaty qalasy, «Almaty Arena» muz kesheni, Nurkent shaǵyn aýdany, 7
BAQ ókilderi úshin saǵat 9:00-de baspasóz máslihaty uiymdastyrylady.
Sharanyń bastalý ýaqyty: saǵat 10:00.
