ءىس-شارا قازاقستان رەسپۋبليكاسىنىڭ تۇڭعىش پرەزيدەنتى كۇنىنە، تاۋەلسىزدىكتىڭ 30 جىلدىعىنا ارنالعان جانە «سيفرلىق قازاقستان» جانە «رۋحاني جاڭعىرۋ» باعدارلامالارىن دامىتۋ اياسىندا جۇزەگە اسىرىلادى.
«ETU Robocon – 2021» چەمپيوناتى – Arduino پلاتفورماسىنا نەگىزدەلگەن روبوتوتەحنيكا بويىنشا ستۋدەنتتىك كوماندالار اراسىنداعى جارىس. بۇل جاس عالىمدارعا روبوتتاردى ازىرلەۋدى نولدەن باستاۋعا مۇمكىندىك بەرەدى. قۇراستىرۋ مەن مەحانيكادان، سودان كەيىن ەلەكترونيكادان جانە روبوتتىڭ ينتەللەكت باعدارلاماسىن جازۋعا دەيىن مۇمكىندىك بار. وسىلايشا، چەمپيوناتتىڭ ءاربىر قاتىسۋشىسى IT، ەلەكترونيكا جانە روبوتوتەحنيكا سالاسىنداعى عىلىممەن اينالىساتىن كەز كەلگەن عىلىمي ينستيتۋتتا كىشى لابورانت لاۋازىمىنا لايىقتى دايىن جاس مامان بوپ شىعادى.
جوبانىڭ ماقساتى – دارىندى، تالانتتى جاس قازاقستاندىقتارعا جاڭا تەحنولوگيالار مەن روبوتوتەحنيكا سالاسىندا ستارتاپتار قۇرۋ، يننوۆاسيالىق شەشىمدەردى ازىرلەۋ، باعدارلامالاۋ، ينجينيرينگ جانە ت.ب. بويىنشا ءبىلىم مەن باعدى بەرۋ.
2019 جىلى روبوتوتەحنيكادان جوعارى وقۋ ورىندارى اراسىندا وتكەن ءى رەسپۋبليكالىق چەمپيوناتتىڭ قورىتىندىسى بويىنشا 15 قاتىسۋشى كوماندانىڭ ىشىنەن: Almaty Management University – 1 ورىن، ءال-فارابي اتىنداعى قازۇۋ – 2 ورىن، راديوەلەكترونيكا جانە بايلانىس اسكەري-ينجەنەرلىك ينستيتۋتى – 3 ورىن الىپ، جەڭىمپاز اتانعان.
بيىل چەمپيوناتقا نۇر-سۇلتان، الماتى، قىزىلوردا، پاۆلودار، وسكەمەن جانە الماتى وبلىستارىنان 15 كوماندا قاتىسادى. بايقاۋ جەڭىمپازدارى 3D پرينتەر، كۆادروكوپتەر، نوۋتبۋك جانە ت.ب. باعالى سىيلىقتارمەن ماراپاتتالادى.
كوماندالاردىڭ ونەرى YouTube جەلىسىندە كورسەتىلەدى.
وتەتىن ورنى: الماتى قالاسى، «الماتى ارەنا» مۇز كەشەنى، نۇركەنت شاعىن اۋدانى، 7
ب ا ق وكىلدەرى ءۇشىن ساعات 9:00-دە باسپا ءسوز ءماسليحاتى ۇيىمداستىرىلادى.
شارانىڭ باستالۋ ۋاقىتى: ساعات 10:00.
