– Jas urpaq úshin sizdeı ardagerlerdiń erlikke toly ómirin nasıhattaý mańyzdy. Ekinshi dúnıejúzilik soǵysta bizdiń atalarymyz, apalarymyz Otan aldyndaǵy amanatqa adal boldy. Berlın tórinde Jeńis týyn tikti. Osy jeńimpaz toptyń qatarynda siz de barsyz. Biz eli qorǵaǵan maıdangerlerge árqashan qurmetpen qaraımyz, – degen oblys basshysynyń orynbasary ardagerge izgi nıetin bildirip, syı-syıapatyn tapsyrdy.
Abdrasılov Nemet 1922 jyly 1 qańtarda Túrkistan qalasynda dúnıege kelgen. 1-gvardıalyq artılerıalyq dıvızıa quramynda nysanashy, zeńbirek komandıri boldy. Stalıngrad, Kýrsk, Ýkraına, Belorýssıa, Polsha qalalaryn azat etýge qatysqan.
Reıhstagqa shabýyl jasaý kezindegi erligi men batyrlyǵy úshin İİ dárejeli «Dańq» ordenimen marapattaldy. Ol «Qyzyl juldyz», İ jáne İİ dárejeli «Dańq», İ dárejeli «Uly Otan soǵysy» ordenimen, «Erligi úshin» jáne basqa da 24 medalmen marapattalǵan.
Soǵys aıaqtalǵan soń Túrkistan qalalyq mılısıasynda jáne Túrkistan qalasynyń avtobazasynda júrgizýshi bolyp jumys istedi.
Ardager 5 ul, 1 qyz, 20 nemere men 18 shóbere tárbıelep ósirgen. Qazirgi tańda uly Elmýrat Abdrasılovpen birge turady.
