Respýblikalyq nasihat toby Shardarada Joldaýdy talqylady
Nasihat tobynyń quramynda QR Energetika ministrligi Ákimshilik jumysy departamentiniń direktory Ómirserik Áshimbev pen oblystyq energetika jáne turǵyn úi-kommýnaldyq sharýashylyq basqarmasy basshysynyń orynbasary Baqytjan Polatbekov kelip, qaladaǵy «Abai» Mádeniet saraiynda turǵyndarmen kezdesý ótkizdi.
Aýdan ákiminiń orynbasary Baýyrjan Shompievtiń tóraǵalyǵymen ótken jiynda respýblikalyq aqparattyq-nasihattyq toptyń múshesi Ómirserik Áshimbaev baiandama jasady.
– Bolashaǵymyzdy baiandy etetin Elbasy Joldaýynda aitylǵan basym baǵyttar shyn máninde de halqymyzdyń turmys sapasyn arttyryp, áleýetin jaqsartady. Oǵan bizdiń múmkindigimiz jetkilikti, qarjy kózderin qaidan alyp, qalai jumsaý kerektigin Memleket basshysynyń ózi aiqyndap berip otyr, – degen Ómirserik Óstetaiuly respýblika men oblys deńgeiindegi atqarylyp jatqan sharýalardy egjei-tegjeili aityp ótti.
Munan keiin jaryssózge shyqqan aýdandyq ortalyq aýrýhananyń satistika bóliminiń meńgerýshisi Pázilhan Myńbaev, qaladaǵy №8 «Balapan» balabaqshasynyń tárbieshisi Gúlnár Esmurzaeva, aýdan jastary atynan Bekjan Espanov Elbasy Joldaýyn biraýyzdan qoldap-qýattaityndaryn jetkizdi.
Aýdan ákiminiń orynbasary Baýyrjan Shompiev:
– Joldaýdy nasihattap, halyqqa jetkize bilý osynda otyrǵan barshamyzdyń mindetimiz. Sondyqtan da Joldaýdy nasihattap qana qoimai, odan týyndaityn mindetterdi iske asyrýǵa shardaralyqtar bir kisidei jumylyp eńbek etedi degen enimdemin, – dep jiyndy qorytty.
