Respýblika kúni qarsańynda QR Parlamenti Senatynyń Tóraǵasy Erlan Qoshanov jurtshylyqty merekemen quttyqtap Feisbýktaǵy paraqshasynda jazba qaldyrdy.
Qadirli dostar! Búgin Memleket basshysy Qasym-Jomart Toqaev Respýblika kúnine orai saltanatty jiynda sóz sóilep, qazaqstandyqtardy ultymyzdyń eń ulyq merekesimen quttyqtady. Elimizge eńbegi sińgen birqatar azamattarǵa memlekettik nagradalar tabys etti.
Bul merekeniń halqymyz úshin tarihi mańyzy zor. Osydan 34 jyl buryn El egemendigi týraly deklaratsiia qabyldandy. Prezident óz sózinde osy kún qasietti Táýelsizdigimizdiń bastaýy bolǵanyn atap ótti.
Deklaratsiia arqyly Qazaqstan óziniń derbestigi men aýmaqtyq tutastyǵyn búkil álemge jariia etti. Halyqaralyq qatynastardyń derbes sýbektisine ainalyp, syrtqy saiasatty óz múddesine sai júrgizetinin batyl málimdedi. Osy myzǵymas printsipterdi búginge deiin berik ustanyp kelemiz.
Bizdiń endigi maqsatymyz – basty qundylyǵymyz – táýelsizdigimizdi kózdiń qarashyǵyndai qorǵaý, ony nyǵaitý. Prezidentimiz qandai bastamany qolǵa alsa da, osy buljymas qaǵidadan ainyǵan emes.
Árine, ómirde jetistik te, qiyndyq qatar júredi. El basyna kún týyp, túrli synaqtar bolýy da ábden múmkin. Ony biylǵy alapat sý tasqyny kezinde kórdik. Biraq moiymadyq. Prezidentimizdiń mańaiyna toptasyp, bul aýyrtpalyqty el bolyp eńserdik.
Kúni keshe ótken referendýmda da halyqtyń yntymaq-birliginiń kýási boldyq. Prezident aitqandai, halqymyz taǵdyrsheshti sátterde órleý jolyn tańdaitynyn kórsetti. Bul – «túrli kózqaras, birtutas ult» qaǵidatynyń is júzinde oryndalýy.
Sońǵy jyldary Qasym-Jomart Toqaev qolǵa alǵan reformalar da jemisin berip jatyr. Olardy da tutas ult bolyp iske asyryp kelemiz.
Munyń barlyǵy – bizdiń aýyzbirligimizdiń, tutastyǵymyz ben táýelsizdigimizdiń arqasy. Irgeli el bolyp qalyptasyp jatqanymyzdyń naqty kórinisi. Bizdiń durys jolda kele jatqanymyzdyń aiqyn dáleli der edim. Sondyqtan biz osy alǵan baǵytymyzdan taimaýymyz kerek. Ol – Ádiletti Qazaqstan qurý joly.
Búgin osy jolda qajyrly eńbek etip, memleketimizdiń damýyna óz úlesin qosyp kele jatqan bir top azamatty Prezidentimiz memlekettik nagradalarmen marapattady. Ekonomika, aýyl sharýashylyǵy, bilim, ǵylym men densaýlyq saqtaý, mádeniet salasynyń maitalmandary, aýyl eńbekkerleri, biznes ókilderi men basqa da sala mamandaryna qurmet kórsetildi.
Aitýly mereke – Respýblika kúni el kúntizbesinen oiyp turyp oryn aldy deýge bolady. Bul – memleketimizde júrgizilip jatqan saiasi reformalardyń naqty nátijesi. Biz aldaǵy ýaqytta da osy qarqyndy báseńdetpeýimiz kerek. Májilis depýtattary Prezident bastamalaryn ári qarai da iske asyrýǵa atsalysa beredi.
Mereke qutty bolsyn! Elimiz aman, jurtymyz tynysh bolsyn!
