Májilis kýlýarynda Respublica partiiasynyń tóraǵasy Aidarbek Hodjanazarov partiianyń «Aq jolmen» nemese ózge saiasi uiymdarmen birigýi týraly qaýesetterge pikir bildirdi, dep habarlaidy dalanews.kz.
Onyń aitýynsha, mundai áńgimeler aqparattyq keńistikte ara-tura kóterilgenimen, qazirgi ýaqytta eshqandai partiiamen birigý jóninde kelissóz júrgizilip jatqan joq.
Hodjanazarov Respublica-nyń derbes saiasi kúsh retinde qurylǵanyn jáne óz baǵytymen damýdy jalǵastyratynyn atap ótti.
«Respublica – óz aldyna qurylǵan táýelsiz partiia. Biz qandai da bir partiiamen birigý máselesin qarastyryp jatqan joqpyz. Ár partiianyń óz baǵdarlamasy, óz sailaýshysy jáne óz mindetteri bar», – dedi ol.
Partiia tóraǵasy sondai-aq sońǵy ýaqytta qyzý talqylanyp jatqan «Ádilet» pen AMANAT partiialarynyń birigýine de toqtaldy. Onyń sózinshe, bul atalǵan saiasi uiymdardyń óz tańdaýy jáne Respublica-ǵa qatysy joq másele.
Osylaisha, Respublica basshylyǵy partiianyń «Aq jolmen» nemese basqa saiasi kúshtermen qosylýy týraly boljamdardy joqqa shyǵardy.
