Qazaqstan men Resei shekarasyndaǵy Mashtakovo beketinde kólik keptelisi bolýy yqtimal, dep habarlaidy Dalanews.kz.
Rosgranstroi málimetinshe, buǵan ótkizý pýnktindegi tehnikalyq jumystar sebep. Orynbor oblysynda ornalasqan bul bekette pasporttyq-identifikatsiialaý júiesin (PIDK) jańartý jumystary júrgizilip jatyr. Osyǵan bailanysty Reseige kirý shekteýli bolýy múmkin. Jóndeý jumystary jergilikti ýaqyt boiynsha 22:00-ge deiin (Astana ýaqytymen túngi 00:00-ge deiin) jalǵasady.
Rosgranstroi júk tasymaldaýshylarǵa shekaradan ótý ýaqytyn aldyn ala josparlap, balama beketter - Teploe (tek Qazaqstan jáne Resei azamattary úshin) nemese Ilek arqyly ótýdi usynady.
Aita keteiik, 2025 jyldyń 30 maýsymynan bastap Resei shekarasynan vizasyz rejimmen ótetin shetel azamattary, sonyń ishinde qazaqstandyqtar úshin jańa erejeler engiziledi. Endi kórshi elge barý úshin keminde 72 saǵat buryn RuID platformasy arqyly elektrondy ótinim berip, arnaiy QR-kod alý mindetti.
Sonymen qatar, shekaradan ótken kezde biometriialyq tirkeý talap etiledi - saýsaq izderi alynyp, fotoǵa túsiriledi.
