قازاقستان مەن رەسەي شەكاراسىنداعى ماشتاكوۆو بەكەتىندە كولىك كەپتەلىسى بولۋى ىقتيمال، دەپ حابارلايدى Dalanews.kz.
روسگرانستروي مالىمەتىنشە، بۇعان وتكىزۋ پۋنكتىندەگى تەحنيكالىق جۇمىستار سەبەپ. ورىنبور وبلىسىندا ورنالاسقان بۇل بەكەتتە پاسپورتتىق-يدەنتيفيكاسيالاۋ جۇيەسىن (پيدك) جاڭارتۋ جۇمىستارى جۇرگىزىلىپ جاتىر. وسىعان بايلانىستى رەسەيگە كىرۋ شەكتەۋلى بولۋى مۇمكىن. جوندەۋ جۇمىستارى جەرگىلىكتى ۋاقىت بويىنشا 22:00-گە دەيىن (استانا ۋاقىتىمەن تۇنگى 00:00-گە دەيىن) جالعاسادى.
روسگرانستروي جۇك تاسىمالداۋشىلارعا شەكارادان ءوتۋ ۋاقىتىن الدىن الا جوسپارلاپ، بالاما بەكەتتەر - تەپلوە (تەك قازاقستان جانە رەسەي ازاماتتارى ءۇشىن) نەمەسە ىلەك ارقىلى ءوتۋدى ۇسىنادى.
ايتا كەتەيىك، 2025 جىلدىڭ 30 ماۋسىمىنان باستاپ رەسەي شەكاراسىنان ۆيزاسىز رەجيممەن وتەتىن شەتەل ازاماتتارى، سونىڭ ىشىندە قازاقستاندىقتار ءۇشىن جاڭا ەرەجەلەر ەنگىزىلەدى. ەندى كورشى ەلگە بارۋ ءۇشىن كەمىندە 72 ساعات بۇرىن RuID پلاتفورماسى ارقىلى ەلەكتروندى ءوتىنىم بەرىپ، ارنايى QR-كود الۋ مىندەتتى.
سونىمەن قاتار، شەكارادان وتكەن كەزدە بيومەتريالىق تىركەۋ تالاپ ەتىلەدى - ساۋساق ىزدەرى الىنىپ، فوتوعا تۇسىرىلەدى.
