Reseıge baratyn qazaqstandyqtar úshin jańa talap engiziledi, – dep habarlaıdy Dalanews.kz.
qazaqstantv málimetinshe, 30 maýsymnan bastap Reseıge sapar shegetin Qazaqstan azamattary úshin jańa ereje kúshine enedi.
Endi shekaradan óterden 72 saǵat buryn arnaıy sıfrlyq profıl toltyrý mindetti bolady. Bul proses RuID dep atalatyn jańa mobıldi qosymsha arqyly júzege asady. Qosymshada azamattar ózderiniń jeke málimetteri men fotosyn júkteýi, sondaı-aq, medısınalyq saqtandyrýdy rásimdeýi qajet.
Jańa júıe zańsyz kóshi-qonmen kúres maqsatynda qolǵa alynyp otyr jáne barlyq shekara ótkizý beketinde qoldanylady. Bul talap 6 jasqa deıingi balalarǵa, sondaı-aq, Reseıde akkredıttelgen dıplomatıalyq ókildikter men halyqaralyq uıymdardyń qyzmetkerlerine, olardyń otbasy múshelerine qoldanylmaıdy.
Reseıge kirý úshin árbir Qazaqstan azamaty QR-kod alýǵa tıis. Bul talap pasportpen de, jeke kýálikpen de shekara asatyn azamattarǵa birdeı qoldanylady.
