Qazaqstanǵa resmi saparmen kelgen Resei syrtqy ister ministri Sergei Lavrov prezident Qasym-Jomart Toqaevpen Reseide qazaq mektepterin ashý máselesin talqylaǵanyn málimdedi, dep habarlaidy Dalanews.kz.
Astanada ótken kezdesýde eki elde qazaq jáne orys tilderinde bilim beretin mektepter ashý jónindegi bastamalar kóterildi.
Lavrov Qazaqstanda orys tilinde oqytatyn úsh mektep ashý týraly kelissózder júrgizilgenin aitty.
"Qazaqstandyq dostarymyz óz kezeginde týra sondai qazaq tilinde oqytatyn birlesken mektepterdi Resei Federatsiiasynyń Orynbor, Omby men Astrahan qalalarynda ashýǵa múddeli. Bunyń barlyǵy eki jaqty bailanysty nyǵaitýǵa baǵyttalǵan. Al birlesken bastamalardyń arta túsýi eki eldiń yntymaqtastyǵyn odan ári kúsheitpek", - dedi Lavrov Astanada ótken brifingte.
Sonymen qatar, Lavrovtyń sózinshe, eki eldiń ortaq tarihyn zertteitin birlesken tarihshylar tobyn qurý týraly kelisim de jasalǵan.
