قازاقستانعا رەسمي ساپارمەن كەلگەن رەسەي سىرتقى ىستەر ءمينيسترى سەرگەي لاۆروۆ پرەزيدەنت قاسىم-جومارت توقايەۆپەن رەسەيدە قازاق مەكتەپتەرىن اشۋ ماسەلەسىن تالقىلاعانىن مالىمدەدى، دەپ حابارلايدى Dalanews.kz.
استانادا وتكەن كەزدەسۋدە ەكى ەلدە قازاق جانە ورىس تىلدەرىندە ءبىلىم بەرەتىن مەكتەپتەر اشۋ جونىندەگى باستامالار كوتەرىلدى.
لاۆروۆ قازاقستاندا ورىس تىلىندە وقىتاتىن ءۇش مەكتەپ اشۋ تۋرالى كەلىسسوزدەر جۇرگىزىلگەنىن ايتتى.
"قازاقستاندىق دوستارىمىز ءوز كەزەگىندە تۋرا سونداي قازاق تىلىندە وقىتاتىن بىرلەسكەن مەكتەپتەردى رەسەي فەدەراسياسىنىڭ ورىنبور، ومبى مەن استراحان قالالارىندا اشۋعا مۇددەلى. بۇنىڭ بارلىعى ەكى جاقتى بايلانىستى نىعايتۋعا باعىتتالعان. ال بىرلەسكەن باستامالاردىڭ ارتا ءتۇسۋى ەكى ەلدىڭ ىنتىماقتاستىعىن ودان ءارى كۇشەيتپەك"، - دەدى لاۆروۆ استانادا وتكەن بريفينگتە.
سونىمەن قاتار، لاۆروۆتىڭ سوزىنشە، ەكى ەلدىڭ ورتاق تاريحىن زەرتتەيتىن بىرلەسكەن تاريحشىلار توبىن قۇرۋ تۋرالى كەلىسىم دە جاسالعان.
