Astananyń halyqaralyq áýejaiynyń tranzittik aimaǵyn Resei azamaty, burynǵy áskeri qyzmetshi birneshe kúnnen beri panalap júr. Bul týraly Qazaqstandyq halyqaralyq adam quqyqtary biýrosy málimdedi, dep habarlaidy Dalanews.kz.
Uiymnyń málimetinshe, 1990 jyly týǵan azamat soǵys júrip jatqan kórshiles eldiń áskerinen qashyp ketken. Ol 28 jeltoqsannan beri áýejaida júr.
Shekara qyzmeti ony Qazaqstan aýmaǵyna ótkizbedi. Al reseilik azamat Qazaqstannan bosqyn mártebesin berýdi suraidy.
Ol eline qaita oralsa, qylmystyq qýdalaýǵa ushyrap, áskeri qyzmetten bas tartqany úshin qysym kórip, jazalanýy múmkin.
Quqyq qorǵaýshylar Qazaqstan Bosqyndar týraly 1951 jylǵy konventsiiaǵa qatysýshy memleket ekenin eske saldy.
Sondyqtan biýro:
- Shekara qyzmetine,
- Bas kólik prokýratýrasyna,
- Eńbek jáne halyqty áleýmettik qorǵaý ministrligine
ótinish joldaǵan. Olar reseilik azamattyń bosqyn mártebesin berý týraly ótinishin tirkep, zańǵa jáne halyqaralyq talaptarǵa sai rásimnen ótýine múmkindik berýdi surap otyr.
