Búgin Senattyń jalpy otyrysy ótti. Osy tusta senator Álibek Náýtiev premer-ministrge mańyzdy saýal joldap, shetelden keletin taýarlardy tekseristen ótkizý qajet ekenin atap ótti, dep habarlaidy Dalanews.kz.
Senatordyń aitýynsha, Qazaqstannyń ishki naryǵynda aýylsharýashlyqqa arnalaǵan jáne otandyq kásiporyndarda óndirilgen azyq-túlikter importqa áli de táýeldi. Sebebi elimiz Eýraziialyq ekonomikalyq odaq sheńberinde aýylsharýashylyq taýarlaryn jetkizý boiynsha 7%-ǵa ǵana ie.
Sonymen qatar ol shet elden keletin taýarlar Qazaqstanda tekserilmeitinin de erekshe atap ótti.
"Qazaqstanǵa kórshiles elderden azyq-túlik, onyń ishinde aýylsharýashylyǵy ónimderi kóptep tasymaldanady. Alaida olardan kelip, shekaradan ótken ónim esh kedergisiz saýdaǵa shyǵarylady. Bizdiń sharýalardyń da Reseige óz ónimderin shyǵarýǵa múmkindigi bar. Degenmen bizden olarǵa shyǵarylǵan ónim ózimizdiń zerthanada jáne shekarada tekseriledi. Sodan keiin 15-20 kún ol eldiń zerthanasynda tekseristen ótedi", - dedi Álibek Náýtiev.
Onyń málimdeýinshe, bul halyq densaýlyǵyn qorǵaýǵa baǵyttalady. Sondyqtan ónimderdi tek kórshiles elderdiń zerthanasynan ǵana emes Qazaqstan zerthanasynan da halyq densaýlyǵyna qaýipsizdigin qadaǵalaý qajet ekenin jetkizdi.
"Sarapshylardyń pikirinshe, Reseidiń aýylsharýashylyq ónimderinde túrli biohimiialyq qospalar bar. Oǵan naqty dálelder de jetkilikti. Bul qospalardyń onkologiialyq aýrýlardy týdyrý qaýpi óte joǵary", - dep túsindirdi depýtat.
Foto: QazAqparat
https://dalanews.kz/aimak/98407-maqtaaraldyq-sharualar-160-gektar-zherge-q
