Máskeýdegi oiyn-saýyq nysandarynyń birinde iri kólemde terakt bolyp, júzden asa adam qaza tapty. Osy oqiǵadan keiin Máskeý qalasynyń jalpy iýrisdiktsiia sottary kúdiktilerge qandai bultartpaý sharasy tańdalǵanyn jariialady, - dep habarlaidy Dalanews.kz.
Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Reseidiń Tótenshe jaǵdailar ministrliginiń aldyn ala aqparaty boiynsha terroristerdiń atys qarýyn qoldanýy men saýda oiyn-saýyq ortalyǵy órtenýinen 130-dan asa adam qaza tapqan, zardap shekkenderdiń sany 180 adamnan asady.
Kúdiktiler kinásin moiyndaǵan. Sondai-aq, tórt kúdikti de ázirge qamaýda otyratyny belgili boldy.
Máskeý qalasynyń Basman aýdandyq soty Tájikstannyń týmasy Dalerdjon Mirzoevqa qatysty bultartpaý sharasyn tańdady. Ol Resei Federatsiiasynyń Qylmystyq kodeksiniń 205-babynyń 3-bóliginiń "b" tarmaǵynda (terroristik akt) kózdelgen qylmysty jasady dep aiyptalyp otyr.
"Mirzoev Qarýly uiymdasqan top quramynda "Krokýs Siti Holl" ǵimaratynda bolǵan Resei Federatsiiasynyń azamattaryn atýǵa qatysty. Sodan keiin aiyptalýshylar "Krokýs Siti Holl" ǵimaratyn órtep jiberdi.
Mirzaev kináni tolyq moiyndady. Máskeý qalasynyń Basman aýdandyq soty tergeý organdarynyń ótinishin qanaǵattandyrdy jáne Mirzoevke qatysty 1 ai 28 táýlikke qamaýda ustaý túrindegi bultartpaý sharasyn tańdady, iaǵni 2024 jylǵy 22 mamyrǵa deiin", - dep jazylǵan málimette.
Keiinirek sot Krokýs Siti Hollǵa qatysty ekinshi aiyptalýshyǵa bultartpaý sharasyn tańdady.
"Máskeý qalasynyń Basman aýdandyq soty Resei Federatsiiasynyń Qylmystyq kodeksiniń 205-babynyń 3-bóligi "b" tarmaǵynda kózdelgen (terroristik akt) qylmysty jasady dep aiyptalǵan Saidakrami Rachabalizodaǵa qatysty bultartpaý sharasyn tańdady.
Rachabalizoda kináni moiyndady. Sot 1 ai 28 táýlik merzimge qamaýǵa alý túrindegi bultartpaý sharasyn tańdady, iaǵni 2024 jylǵy 22 mamyrǵa deiin", - dep jazylǵan sot málimetinde.
Sonymen qatar, "Krokýs Siti Holldaǵy" terroristik akt boiynsha úshinshi qatysýshy da qamaýǵa alyndy.
"Basman aýdandyq soty Resei Federatsiiasynyń Qylmystyq kodeksiniń 205-babynyń 3-bóligi "b" tarmaǵynda (terroristik akt) kózdelgen qylmysty jasady dep aiyptalǵan Shamsidin Faridýnige qatysty bultartpaý sharasyn tańdady.
Sot 1 ai 28 táýlik merzimge, iaǵni 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady", - dep jazylǵan málimette.
Keiinirek tórtinshi aiyptalýshyǵa da bultartpaý sharasy tańdaldy. Muhammedsobir Faizov Resei Federatsiiasynyń Qylmystyq kodeksiniń 205-babynyń 3-bóligi "b" tarmaǵynda (terroristik akt) kózdelgen qylmysty jasady dep aiyptalyp otyr.
Sot oǵan da 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady.
Aita keteiik, 22 naýryzda belgisiz bireýler Máskeýdegi Krokýs Siti Holl kontsert zalynda adamdarǵa oq jaýdyrdy.
Keiin kontsert zalynda órt shyqqan. Sebebi oq atqandar granata jarǵan.
"Zalda júrgen adamdar atystan qorǵaný úshin birden jerge jatyp qorǵandy. Keminde 15-20 minýt jerde jatyp, aqyryndap syrtqa shyǵa bastady. Kóbi qashyp úlgerdi", - dep jazdy sol kezde reseilik arnalar.
Derekterge súiensek, atys "Piknik" rok-tobynyń kontsertine birneshe minýt qalǵanda bastalǵan.
