Reseide eki qazaqstandyq terakt uiymdastyrmaq bolǵan. Ekeýi de mert boldy, - dep habarlaidy Dalanews.kz Qazaqstannyń UQK baspasóz qyzmetine silteme jasap.
BAQ-ta Resei Federatsiiasynda Qazaqstannyń eki azamatynyń terrorlyq akti jasaýdy uiymdastyrýǵa áreketi kezinde Reseidiń kúshtik qurylymdarymen kózi joiylǵany týraly aqparat taraǵan bolatyn.
UQK bul adamdardyń Qazaqstandyq azamattyǵy baryn jáne Reseige shyqqandyǵyn rastady.
Kórsetilgen fakti boiynsha UQK sotqa deiingi tergep-tekserý júrgizip jatyr.
Tekseris yntymaqtastyq arnasy aiasynda Resei FQQ-men tyǵyz bailanysta júzege asyrylyp jatyr.
Ózge aqparat Qylmystyq-protsestik kodekstiń 201-baby 1-bóligine sáikes jariia etýge jatpaidy.
