Reseide kúshine engen vizalyq shekteýler myńdaǵan qazaqstandyq halyqaralyq júk jáne jolaýshy tasymaldaýshylardy jumyssyz qaldyrýy múmkin edi. Alaida másele sheshimin tapty: jańa ereje bizdiń júrgizýshilerge qoldanylmaidy. Bul týraly Májilis depýtaty Bolatbek Najmetdinuly habarlady, dep habarlaidy Dalanews.kz.
Resei zańnamasyndaǵy ózgeristerge sáikes, vizasyz elderden kelgen sheteldikter endi bir jyl ishinde Resei aýmaǵynda 90 kúnnen artyq bola almaidy.
Bul talap Qazaqstannan halyqaralyq tasymal jasaityn júrgizýshilerge de áser ete bastaǵan. Óitkeni Resei men Belarýstegi bolý ýaqyty biriktirilip esepteledi, tipti Belarýs arqyly tranzittik ótý de jalpy limitke qosylady.
"Bul norma halyqaralyq avtotasymaldyń ereksheligin elemeidi. Bizdiń júrgizýshiler basqa elde jeke ispen emes, qyzmettik mindetin oryndaý úshin júredi. Al jańa talaptar olardy zań buzýshy retinde qaralady", – degen edi buǵan deiin Májilis depýtaty Bolatbek Najmetdinuly.
Shekaradaǵy uzaq kezekter men qujat rásimdeý kezinde týyndaǵan kidirister jaǵdaidy odan ári ýshyqtyrdy. Qazaqstandyq tasymaldaýshylar aiyppul, deportatsiia jáne jumyssyz qalý qaýpimen betpe-bet kelgen.
Másele qalai sheshildi?
Depýtattyń aitýynsha, Qazaqstan úkimeti Resei tarapymen jedel bailanys ornatyp, kelissózder nátijesinde qazaqstandyq júrgizýshilerge jańa vizalyq shekteýler qoldanylmaityny jóninde sheshim qabyldanǵan.
"Úkimetimiz Resei Federatsiiasyndaǵy áriptesterimen jedel bailanysqa shyǵyp, keshe keshkisin halyqaralyq júk jáne jolaýshy tasymaldaityn júrgizýshilerge jańa migratsiialyq shekteýlerdi qoldanbaý týraly sheshim qabyldandy", – dep jazdy Najmetdinuly Facebook paraqshasynda.
Bul sheshimniń arqasynda qazaqstandyq tasymaldaýshylar endi 90 kúndik shekteýge baǵynbaidy, al myńdaǵan júrgizýshi jumys ornyn saqtap qaldy.
«Qazaqstan óz azamattaryn qorǵaidy»
Májilismenniń sózinshe, Qazaqstan mundai máselelerdi EAEO deńgeiinde júieli túrde sheshýdi jalǵastyrady.
"Odaq - bul kedergiler emes, erkindik pen ózara qurmet keńistigi. Qazaqstan óz azamattaryn eshqashan qiyn jaǵdaida qaldyrmaidy", – dep túiindedi Bolatbek Najmetdinuly.
