رەسەيدە كٷشٸنە ەنگەن ۆيزالىق شەكتەۋلەر مىڭداعان قازاقستاندىق حالىقارالىق جٷك جەنە جولاۋشى تاسىمالداۋشىلاردى جۇمىسسىز قالدىرۋى مٷمكٸن ەدٸ. الايدا مەسەلە شەشٸمٸن تاپتى: جاڭا ەرەجە بٸزدٸڭ جٷرگٸزۋشٸلەرگە قولدانىلمايدى. بۇل تۋرالى مەجٸلٸس دەپۋتاتى بولاتبەك ناجمەتدينۇلى حابارلادى, دەپ حابارلايدى Dalanews.kz.
رەسەي زاڭناماسىنداعى ٶزگەرٸستەرگە سەيكەس, ۆيزاسىز ەلدەردەن كەلگەن شەتەلدٸكتەر ەندٸ بٸر جىل ٸشٸندە رەسەي اۋماعىندا 90 كٷننەن ارتىق بولا المايدى.
بۇل تالاپ قازاقستاننان حالىقارالىق تاسىمال جاسايتىن جٷرگٸزۋشٸلەرگە دە ەسەر ەتە باستاعان. ٶيتكەنٸ رەسەي مەن بەلارۋستەگٸ بولۋ ۋاقىتى بٸرٸكتٸرٸلٸپ ەسەپتەلەدٸ, تٸپتٸ بەلارۋس ارقىلى ترانزيتتٸك ٶتۋ دە جالپى ليميتكە قوسىلادى.
"بۇل نورما حالىقارالىق اۆتوتاسىمالدىڭ ەرەكشەلٸگٸن ەلەمەيدٸ. بٸزدٸڭ جٷرگٸزۋشٸلەر باسقا ەلدە جەكە ٸسپەن ەمەس, قىزمەتتٸك مٸندەتٸن ورىنداۋ ٷشٸن جٷرەدٸ. ال جاڭا تالاپتار ولاردى زاڭ بۇزۋشى رەتٸندە قارالادى", – دەگەن ەدٸ بۇعان دەيٸن مەجٸلٸس دەپۋتاتى بولاتبەك ناجمەتدينۇلى.
شەكاراداعى ۇزاق كەزەكتەر مەن قۇجات رەسٸمدەۋ كەزٸندە تۋىنداعان كٸدٸرٸستەر جاعدايدى ودان ەرٸ ۋشىقتىردى. قازاقستاندىق تاسىمالداۋشىلار ايىپپۇل, دەپورتاتسييا جەنە جۇمىسسىز قالۋ قاۋپٸمەن بەتپە-بەت كەلگەن.
مەسەلە قالاي شەشٸلدٸ?
دەپۋتاتتىڭ ايتۋىنشا, قازاقستان ٷكٸمەتٸ رەسەي تاراپىمەن جەدەل بايلانىس ورناتىپ, كەلٸسسٶزدەر نەتيجەسٸندە قازاقستاندىق جٷرگٸزۋشٸلەرگە جاڭا ۆيزالىق شەكتەۋلەر قولدانىلمايتىنى جٶنٸندە شەشٸم قابىلدانعان.
"ٷكٸمەتٸمٸز رەسەي فەدەراتسيياسىنداعى ەرٸپتەستەرٸمەن جەدەل بايلانىسقا شىعىپ, كەشە كەشكٸسٸن حالىقارالىق جٷك جەنە جولاۋشى تاسىمالدايتىن جٷرگٸزۋشٸلەرگە جاڭا ميگراتسييالىق شەكتەۋلەردٸ قولدانباۋ تۋرالى شەشٸم قابىلداندى", – دەپ جازدى ناجمەتدينۇلى Facebook پاراقشاسىندا.
بۇل شەشٸمنٸڭ ارقاسىندا قازاقستاندىق تاسىمالداۋشىلار ەندٸ 90 كٷندٸك شەكتەۋگە باعىنبايدى, ال مىڭداعان جٷرگٸزۋشٸ جۇمىس ورنىن ساقتاپ قالدى.
«قازاقستان ٶز ازاماتتارىن قورعايدى»
مەجٸلٸسمەننٸڭ سٶزٸنشە, قازاقستان مۇنداي مەسەلەلەردٸ ەاەو دەڭگەيٸندە جٷيەلٸ تٷردە شەشۋدٸ جالعاستىرادى.
"وداق - بۇل كەدەرگٸلەر ەمەس, ەركٸندٸك پەن ٶزارا قۇرمەت كەڭٸستٸگٸ. قازاقستان ٶز ازاماتتارىن ەشقاشان قيىن جاعدايدا قالدىرمايدى", – دەپ تٷيٸندەدٸ بولاتبەك ناجمەتدينۇلى.
