Máskeý oblysynda qiyn jaǵdaiǵa tap bolyp, jeti jastaǵy balasymen ormanda turýǵa májbúr bolǵan ózbek azamaty elge oraldy.
Ózbekstannyń syrtqy eńbek migratsiiasy jónindegi agenttiginiń habarlaýynsha, Shýhrat Jalilov pen onyń uly Amal Jalilov 3 jeltoqsanda Máskeý-Tashkent reisimen ushyp keldi. Áýejaida olardy agenttik ókilderi kútip alyp, turaqty mekemenge jetkizdi.
Bunyń aldynda internet basylymdar men áleýmettik jelilerde Máskeý oblysynda ormanda ákesimen turatyn balanyń qaladaǵa balalar alańqaiyna oinaýǵa kelip júrgeni týraly habarlaǵan. Qazan aiynyń sońynda Amaldy jergilikti turǵyndar baiqap qalǵan. Ol ákesimen birge ormanda turatynyn aitqan. Balany aýrýhanaǵa áketip, odan soń ony balalar úiine ornalastyrǵan.
Agenttiń málimetine qaraǵanda, Ózbekstannyń 1974 jyly týǵan azamaty Shýhrat Jalilov uzaq ýaqyt Reseide ómir súrgen. 2013 jyly onyń uly dúniege keldi. 2020 jyly tamyzda balanyń anasy qaitys boldy. Jumyssyz qalǵan Shýhrattyń páter jaldaýǵa aqshasy bolmai, pandemiia kezinde elge orala almady.
19 qarashada ormannan tabylǵan Amal Jalilovqa týý týraly kýálik berildi. Jergilikti basylymdar Amaldy Maýgli dep ataǵan.
