Resei úkimeti 2030 jylǵa deiin avtomobilge, avtobýsqa jáne keibir arnaiy tehnikaǵa arnalǵan ýtil alym mólsherlemesin jyl saiyn qaita eseptep, kóterýdi josparlap otyr dep habarlaidy dalanews.kz portaly Krisha.kz- ke silteme jasap.
RBK aqparatyna sáikes tólem biyl kólik túrine bailanysty 70-85 % ósedi, al sodan keiin jyl saiyn 2030 jylǵa deiin 10-20 % kóterilip otyrady.
Ýtil alymy bazalyq mólsherleme negizinde esepteledi: 20 myń rýbl (jeńil avtomobil úshin) jáne 150 myń rýbl (basqa kólik quraldary úshin). Tólem mólsheri avtomobildiń jasyna (úsh jyldan asqan kólikter úshin mólsherleme aitarlyqtai joǵary) jáne bazalyq mólsherlemege sáikes koeffitsientke bailanysty anyqtalady.
Jeńil elektromobil, gibrid úshin koeffitsient 2024 jyly 1.63-ten 2030 jylǵa qarai 58.62-ge deiin artady. Qozǵaltqysh kólemi 1-2 litr mashina úshin koeffitsient 27.81-den 58.62-ge deiin; 3-3.5 litr — 89.73-ten 189.17-ge deiin, al 3.5 litrden joǵary — 114.26-dan 240.89-ǵa deiin ósedi.
Drom.ru portaly qozǵaltqysh kólemi 2.0 litrge deiingi eń kóp suranysqa ie jeńil kólikti mysal retinde alyp, mólsherleme qalai ósetinin kórsetti. Qazir jeke paidalanýǵa ákelmeitin importer úshin ýtil alym somasy 300 600 rýbl (~1.6 mln teńge) bolsa, birinshi kezeńnen keiin ol 556 200 rýbldi quraidy, al 2030 jyly 1 172 400 rýblge (6 mln teńge) deiin jetedi.
