Basylym derekkózi Máskeýdiń bul málimdemesin «bopsalaý dıplomatıasy» dep ataǵan.
AQSH prezıdenti ákimshiliginiń qyzmetkerleri men amerıkalyq zań shyǵarýshylar Reseıdiń azyq-túlik daǵdarysyn eńserýge kómektesemiz degen málimdemesine sene bermeıdi.
Máselen, Aıdaho shtaty atynan saılanǵan senator Djeıms Rısh Máskeýdiń astyq eksporty úshin sanksıalardy alý jónindegi usynysyn «bopsa» dep atady Politico.
Vashıngton Qara teńiz arqyly astyq eksportyn qalpyna keltirý jónindegi kelissózderdi muqıat baqylap otyr. Kelissózderdi Reseı, BUU jáne Túrkıa júrgizip jatyr.
Basylym derekkóziniń aıtýynsha, Qurama Shtttar Kremlge qarsy qandaı da bir ekonomıkalyq qysymnyń álsireýine kelispeıdi.
BUU astyqty álem naryǵyna shyǵarýǵa Reseı kúshteriniń ýkraın porttaryn blokadada ustaýy kedergi keltiretinin málimdegen. Reseı muny joqqa shyǵaryp otyr.
Bunyń aldynda Reseı prezıdenti Vladımır Pýtın Italıa premer-mınıstri Marıo Dragıge Batys sanksıasyn alsa, Máskeý azyq-túlik daǵdarysyn eńserýge kómektesedi dep málimdegen.
Reseı men Ýkraın álem naryǵyna astyq shyǵaratyn eń iri bestikke kiredi. Reseı Ýkraına aýmaǵyna basyp kirgeli beri azyq-túlik qatty qymbattap ketti.
