رەسەي ۋكرايناداعى استىققا جول اشسا دا، اقش سانكسياسىن المايدى

Dalanews 08 ماۋ. 2022 02:33 406

ماسكەۋ قارا تەڭىزدەگى ۋكراين پورتتارىن بلوكادادان بوساتىپ، ۋكراينادان استىق ەكسپورتتاۋعا مۇمكىندىك بەرسە دە، اقش رەسەيگە قارسى ەنگىزگەن سانكسيالارىنان باس تارتپايدى. بۇل تۋرالى Politico امەريكالىق شەنەۋنىككە سىلتەمە جاساي وتىرىپ حابارلادى.

باسىلىم دەرەككوزى ماسكەۋدىڭ بۇل مالىمدەمەسىن «بوپسالاۋ ديپلوماتياسى» دەپ اتاعان.

اقش پرەزيدەنتى اكىمشىلىگىنىڭ قىزمەتكەرلەرى مەن امەريكالىق زاڭ شىعارۋشىلار رەسەيدىڭ ازىق-تۇلىك داعدارىسىن ەڭسەرۋگە كومەكتەسەمىز دەگەن مالىمدەمەسىنە سەنە بەرمەيدى.

ماسەلەن، ايداحو شتاتى اتىنان سايلانعان سەناتور دجەيمس ريش ماسكەۋدىڭ استىق ەكسپورتى ءۇشىن سانكسيالاردى الۋ جونىندەگى ۇسىنىسىن «بوپسا» دەپ اتادى Politico.

ۆاشينگتون قارا تەڭىز ارقىلى استىق ەكسپورتىن قالپىنا كەلتىرۋ جونىندەگى كەلىسسوزدەردى مۇقيات باقىلاپ وتىر. كەلىسسوزدەردى رەسەي، بۇۇ جانە تۇركيا جۇرگىزىپ جاتىر.

باسىلىم دەرەككوزىنىڭ ايتۋىنشا، قۇراما شتتتار كرەملگە قارسى قانداي دا ءبىر ەكونوميكالىق قىسىمنىڭ السىرەۋىنە كەلىسپەيدى.

بۇۇ استىقتى الەم نارىعىنا شىعارۋعا رەسەي كۇشتەرىنىڭ ۋكراين پورتتارىن بلوكادادا ۇستاۋى كەدەرگى كەلتىرەتىنىن مالىمدەگەن. رەسەي مۇنى جوققا شىعارىپ وتىر.


بۇنىڭ الدىندا رەسەي پرەزيدەنتى ۆلاديمير پۋتين يتاليا پرەمەر-مينيسترى ماريو دراگيگە باتىس سانكسياسىن السا، ماسكەۋ ازىق-تۇلىك داعدارىسىن ەڭسەرۋگە كومەكتەسەدى دەپ مالىمدەگەن.

رەسەي مەن ۋكراين الەم نارىعىنا استىق شىعاراتىن ەڭ ءىرى بەستىككە كىرەدى. رەسەي ۋكراينا اۋماعىنا باسىپ كىرگەلى بەرى ازىق-تۇلىك قاتتى قىمباتتاپ كەتتى.

ۇسىنىلعان
سوڭعى جاڭالىقتار