Qazaqstannyń Ónerkásip jáne qurylys mınıstrligi Reseı men Belarýsten ımporttalatyn avtokólikter men aýyl sharýashylyǵy tehnıkasyna salynatyn ýtılızasıalyq alymdy eki ese ósirýdi kózdeıtin joba daıyndady. Bul ózgeris 2025 jyldyń jeltoqsanynan bastap Reseıde kúshine enetin jańa mólsherlemelermen teńestirý maqsatynda usynylyp otyr, dep habarlaıdy Dalanews.kz.

Sonymen qatar Qazaqstanda qurastyrylǵan avtokólikterge, sondaı-aq EAEO-ǵa kirmeıtin elderden, Armenıa men Qyrǵyzstannan jetkiziletin kólikterge qatysty talaptar ózgerissiz qalady.

Mınıstrliktiń pikirinshe, atalǵan shara tólemder arasyndaǵy teńsizdikti joıyp, Eýrazıalyq ekonomıkalyq odaq aıasynda baǵa aıyrmasynan týyndaıtyn arbıtrajdyń aldyn alýǵa múmkindik beredi.

Bul ózgeris avtomobıl naryǵyndaǵy jaǵdaıdy teńestirýge jáne ımport salasynda turaqty ári boljamdy saıasatty saqtaýǵa baǵyttalǵan.