Bul aýyldan Qazaqstanǵa deiin bar bolǵany bir jarym shaqyrym. "Bizge Nazarbaevqa qosyla salǵan durys shyǵar? Bálkim, sonda ómir túzeler, ol bizge jol salyp, jaryq jetkizýge kómekteser?" – deidi jergilikti belsendi Sergei Malii.
Dál osy kisi aýyldy kórshi Qazaqstanǵa qosý týraly usynysty jaqynda aýdan ortalyǵyndaǵy sheneýniktermen kezdesýde aitqan. Shekaranyń arǵy jaǵynda ómir qandai ekenin ol naqty bilmeidi, biraq "budan nashar bolýy múmkin emes" dep esepteidi.
– Jergilik turǵyndar "shydam taýsyldy" dep otyr. Aýylda elý shaqty úi bar. Balalar 17 shaqyrym jerdegi mektepke barady. Poshta birde istese, birde istemeidi. Shuǵyl járdemdi birneshe saǵat kútýge týra keledi. Kelmei de qalýy múmkin. Jaqynda Leonovtardyń saraiy órtenip ketti, órt sóndirýshiler kúlge ainalǵanda ǵana áreń jetti, – dedi Malii.
Aýyl turǵyndary Qazaqstanǵa qosylý ideiasyn ázirge salmaqty usynys retinde qarastyryp otyrǵan joq, biraq sol arqyly bilikke túrtki jasaǵysy keledi.
Tym bolmasa, aýylǵa deiin asfalt tósep berse, turǵyndarǵa qatynaý jeńilder edi. Biraq aýdan men oblys basshylyǵy Dývanovka máselelerine ázirge nazar aýdarmai otyr.
Derekkózi: sn.kz
https://dalanews.kz/35434
