BAQ-ta Reseı azamattary Túrkıadan jappaı kóship jatqany týraly aqparat tarady, dep habarlaıdy Dalanews.kz.
Kursiv.Media málimetinshe, Túrkıada turatyn Reseı azamattarynyń sany 2023 jyldan beri shamamen eki esege azaıǵan. Eki jyl buryn osy elde Reseıdiń 154 myń azamaty bolsa, qazir bar bolǵany 85 myń adamy qalǵan.
Ankaradaǵy elshilik osy elde turaqtaǵan azamattar azaıyp kele jatqanyn atap ótken.
Relokanttardyń Túrkıadan jappaı kóshe bastaýynyń birneshe sebebi aıtyldy. Basty sebep – baǵa, ásirese, baspana quny kóterilýi. Qazir Túrkıada ınflásıa shamamen 33% bolǵan. Jyljymaıtyn múlik 30%-ǵa qymbattaǵan.
Buǵan qosa Reseı azamattary úshin ýaqytsha turýǵa ruqsat merzimin sozý qıyndaǵan.
"Tanystarymnyń kóbi týrısik aımaqtarda (Antalá, Alanıa), sonymen qatar, Ystambulda turady. Olar ýaqytsha turýǵa ruqsat ala almaı júr. Túrkıada 5-10 jyl turǵan azamattar da. Jeke baspanań bar bolsa da, ruqsat bermeı qoıýy múmkin", – deıdi Irına Neplúeva "Izvestıa" basylymyna.
