Reseidiń Orynbor, Omby jáne Astrahan oblystarynda qazaq mektepteri ashylady. Bul týraly Oqý-aǵartý ministri Juldyz Súleimenova «Aqorda» baǵdarlamasyna bergen suhbatynda málimdedi, dep habarlaidy dalanews.kz.
Ministrdiń aitýynsha, qazirdiń ózinde jańa mektepter salý úshin jer telimderi bólingen.
Jańa bilim berý uiymdaryndaǵy oqý baǵdarlamalary qazaqstandyq standarttarǵa negizdeledi. Qazir sarapshylardan quralǵan jumys toby oqý úderisine qatysty negizgi máselelerdi talqylap jatyr.
Atap aitqanda, mektepterde qazaq jáne orys tilderinde bilim berý, jaratylystaný baǵytyndaǵy pánderdi oqytý, sondai-aq jasandy intellekt elementterin engizý máseleleri qarastyrylýda.
Vedomstvo málimetinshe, bul baǵyttaǵy yntymaqtastyqqa Resei tarapy da qyzyǵýshylyq tanytyp otyr.
Joba aiasynda ashylatyn mektepter sheteldegi qazaqtildi bilim berý infraqurylymyn keńeitýge jáne eki el arasyndaǵy bilim salasyndaǵy yntymaqtastyqty kúsheitýge baǵyttalǵan.
