Reseidiń Altai Respýblikasynda bolǵan jol apatynan qaza tapqan eki Qazaqstan azamaty erli-zaiypty bolyp shyqty. Shyǵys Qazaqstan oblysynyń turǵyndary jeke kólikpen Mońǵoliiaǵa bara jatqan, dep habarlaidy dalanews.kz.
Muztaumedia.kz jazýynsha, qarsy baǵytqa shyǵyp ketken kólikti 31 jastaǵy jergilikti áiel basqarǵan. Ol rýlge mas kúiinde otyrǵan jáne júrgizýshi kýáligi bolmaǵan.
Qazaqstandyqtar Shyǵys Qazaqstan oblysy Ulan aýdanynyń Mamai batyr aýylynan Baian-Ólgei aimaǵyna jolǵa shyqqan. Kóliktegi jolaýshylardyń barlyǵy bir-birine týys bolǵan.
Apat saldarynan 41 jastaǵy Habyz Rahymbai men onyń 44 jastaǵy jubaiy Quralai Qusaiynqyzy oqiǵa ornynda qaza tapqan. Olardyń artynda alty balasy qaldy.
"Qaitys bolǵandar erli-zaiypty edi. Áieli aldyńǵy oryndyqta otyrǵan. Kóliktegi adamdardyń barlyǵy týysqandar. Olarmen jolǵa shyǵar aldynda kezdesip, dámdes bolǵan edim", – dedi marqumdardyń tanysy Jarqynbek Ahmetsakiuly.
Kólikte bolǵan ózge jolaýshylar da túrli dene jaraqatyn alǵan.
Qaiǵyly jol apaty 27 shilde kúni shamamen saǵat 20:30-da Altai Respýblikasynyń Ulaǵan aýdanyndaǵy Aqtash aýylynyń mańynda bolǵan.
