رەسەيدٸڭ التاي رەسپۋبليكاسىندا بولعان جول اپاتىنان قازا تاپقان ەكٸ قازاقستان ازاماتى ەرلٸ-زايىپتى بولىپ شىقتى. شىعىس قازاقستان وبلىسىنىڭ تۇرعىندارى جەكە كٶلٸكپەن موڭعوليياعا بارا جاتقان, دەپ حابارلايدى dalanews.kz.
Muztaumedia.kz جازۋىنشا, قارسى باعىتقا شىعىپ كەتكەن كٶلٸكتٸ 31 جاستاعى جەرگٸلٸكتٸ ەيەل باسقارعان. ول رۋلگە ماس كٷيٸندە وتىرعان جەنە جٷرگٸزۋشٸ كۋەلٸگٸ بولماعان.
قازاقستاندىقتار شىعىس قازاقستان وبلىسى ۇلان اۋدانىنىڭ ماماي باتىر اۋىلىنان بايان-ٶلگەي ايماعىنا جولعا شىققان. كٶلٸكتەگٸ جولاۋشىلاردىڭ بارلىعى بٸر-بٸرٸنە تۋىس بولعان.
اپات سالدارىنان 41 جاستاعى حابىز راحىمباي مەن ونىڭ 44 جاستاعى جۇبايى قۇرالاي قۇسايىنقىزى وقيعا ورنىندا قازا تاپقان. ولاردىڭ ارتىندا التى بالاسى قالدى.
"قايتىس بولعاندار ەرلٸ-زايىپتى ەدٸ. ەيەلٸ الدىڭعى ورىندىقتا وتىرعان. كٶلٸكتەگٸ ادامداردىڭ بارلىعى تۋىسقاندار. ولارمەن جولعا شىعار الدىندا كەزدەسٸپ, دەمدەس بولعان ەدٸم", – دەدٸ مارقۇمداردىڭ تانىسى جارقىنبەك احمەتساكيۇلى.
كٶلٸكتە بولعان ٶزگە جولاۋشىلار دا تٷرلٸ دەنە جاراقاتىن العان.
قايعىلى جول اپاتى 27 شٸلدە كٷنٸ شامامەن ساعات 20:30-دا التاي رەسپۋبليكاسىنىڭ ۇلاعان اۋدانىنداعى اقتاش اۋىلىنىڭ ماڭىندا بولعان.
