Rektorlar sailanatyn boldy
Buryn joǵarǵy oqý oryndarynyń rektorlary QR Bilim jáne ǵylym ministriniń jeke sheshimimen taǵaiyndalatyn.
Biyldan bastap memlekettik JOO rektorlar sailaý arqyly taǵaiyndalady. Ashyq konkýrs negizindegi irikteýdi ǵalymdardan sondai-aq biznes, jergilikti atqarý organdary jáne qoǵam ókilderinen quralǵan ýniversitettiń Qadaǵalaý keńesi ótkizedi.
Rektor laýazymyna úmitkerler irikteýdiń negizgi kriteriilerine tolyqtai sai kelip, ýniversitettiń damý baǵdarlamasyn usynýlary tiis. Úmitker maquldanǵan jaǵdaida, Qadaǵalaý keńesi óz sheshimin Repýblikalyq konkýrstyq komissiiaǵa joldaidy. Qadaǵalaý keńesi qoldaǵan kandidattar sany úsh adamnan kem bolmaýy kerek. Alǵashqy irikteýden keiin úmitkerler QR Premer-Ministriniń áleýmettik máselelerdi qadaǵalaityn orynbasarynyń jetekshiligindegi Respýblikalyq komissiiada suhbattasýdan ótkizilip, alqaly negizde sońǵy sheshim qabyldanady.
Memlekettik JOO rektorlaryn sailaý eń aldymen laýazymǵa taǵaiyndalýdyń aiqyndyǵy men ashyqtyǵyn qamtamasyz etpek. Sonymen qatar, konkýrstyq irikteý nátijesinde eń jaqsy dep tabylǵan JOO-nyń damý baǵdarlamasyn qabyldaýǵa múmkindik beredi.
JOO-nyń Qadaǵalaý keńesteriniń tizimderi qalyptastyrylǵandyqtan, olar ýniversitetterdiń saittarynda ashyq jariialanýy tiis. Memlekettik JOO rektorlary laýazymdaryna úmitkerlerdi irikteý taiaý kezeńde bastalady, dep habarlaidy QR Bilim jáne ǵylym ministrliginiń baspasóz qyzmetinen.
Derekkózi: Qazaqparat
