رەكتورلار سايلاناتىن بولدى
بۇرىن جوعارعى وقۋ ورىندارىنىڭ رەكتورلارى قر بٸلٸم جەنە عىلىم مينيسترٸنٸڭ جەكە شەشٸمٸمەن تاعايىندالاتىن.
بيىلدان باستاپ مەملەكەتتٸك جوو رەكتورلار سايلاۋ ارقىلى تاعايىندالادى. اشىق كونكۋرس نەگٸزٸندەگٸ ٸرٸكتەۋدٸ عالىمداردان سونداي-اق بيزنەس, جەرگٸلٸكتٸ اتقارۋ ورگاندارى جەنە قوعام ٶكٸلدەرٸنەن قۇرالعان ۋنيۆەرسيتەتتٸڭ قاداعالاۋ كەڭەسٸ ٶتكٸزەدٸ.
رەكتور لاۋازىمىنا ٷمٸتكەرلەر ٸرٸكتەۋدٸڭ نەگٸزگٸ كريتەرييلەرٸنە تولىقتاي ساي كەلٸپ, ۋنيۆەرسيتەتتٸڭ دامۋ باعدارلاماسىن ۇسىنۋلارى تيٸس. ٷمٸتكەر ماقۇلدانعان جاعدايدا, قاداعالاۋ كەڭەسٸ ٶز شەشٸمٸن رەپۋبليكالىق كونكۋرستىق كوميسسيياعا جولدايدى. قاداعالاۋ كەڭەسٸ قولداعان كانديداتتار سانى ٷش ادامنان كەم بولماۋى كەرەك. العاشقى ٸرٸكتەۋدەن كەيٸن ٷمٸتكەرلەر قر پرەمەر-مينيسترٸنٸڭ ەلەۋمەتتٸك مەسەلەلەردٸ قاداعالايتىن ورىنباسارىنىڭ جەتەكشٸلٸگٸندەگٸ رەسپۋبليكالىق كوميسسييادا سۇحباتتاسۋدان ٶتكٸزٸلٸپ, القالى نەگٸزدە سوڭعى شەشٸم قابىلدانادى.
مەملەكەتتٸك جوو رەكتورلارىن سايلاۋ ەڭ الدىمەن لاۋازىمعا تاعايىندالۋدىڭ ايقىندىعى مەن اشىقتىعىن قامتاماسىز ەتپەك. سونىمەن قاتار, كونكۋرستىق ٸرٸكتەۋ نەتيجەسٸندە ەڭ جاقسى دەپ تابىلعان جوو-نىڭ دامۋ باعدارلاماسىن قابىلداۋعا مٷمكٸندٸك بەرەدٸ.
جوو-نىڭ قاداعالاۋ كەڭەستەرٸنٸڭ تٸزٸمدەرٸ قالىپتاستىرىلعاندىقتان, ولار ۋنيۆەرسيتەتتەردٸڭ سايتتارىندا اشىق جارييالانۋى تيٸس. مەملەكەتتٸك جوو رەكتورلارى لاۋازىمدارىنا ٷمٸتكەرلەردٸ ٸرٸكتەۋ تاياۋ كەزەڭدە باستالادى, دەپ حابارلايدى قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنەن.
دەرەككٶزٸ: قازاقپارات
