Eń aldymen májilis depýtaty Keles aýdany, Ushqyn aýyldyq okrýginiń diqandarmen jáne sharýalarmen kezdesti. Kezdesýdegi negizgi taqyryp – referendým. Júzdesý barysynda Syrym Mahanbetuly Konstitýtsiiaǵa ózgerister men tolyqtyrýlar engizý jónindegi respýblikalyq referendýmnyń mańyzy men maqsaty týraly aitty.
– Reforma halyqtyń eldi basqarýǵa qatysý múmkindigin keńeitýge jáne tutastai alǵanda azamattardyń konstitýtsiialyq quqyqtaryn qorǵaýdy kúsheitýge múmkindik beredi. Bul – negizgi basymdyq. Sondyqtan árbir qazaqstandyq óz jaýapkershiligin kórsete otyryp, týǵan eliniń tabysty bolashaǵyn qurýǵa óziniń qatystylyǵyn sezinýge tiis, – dedi S.Ertaev.
Ata Zańǵa engiziletin túzetýler qatarynda jerdi, onyń qoinaýyn, sýdy, ósimdikter men janýarlar dúniesin, basqa da tabiǵi resýrstardy halyq menshigi dep jariialaý qarastyrylǵan. Osy rette kelestik sharýalar jaiylym tapshylyǵy men aǵyn sý jetispeýshiligin sóz etip, aldaǵy referendýmnan mol úmit kútetindikterin jetkizdi. Kezdesýge oblystyq aýyl sharýashylyǵy basqarmasynyń basshysy N.Badyraqov ta qatysyp, turǵyndardy alańdatqan suraqtarǵa jaýap berdi.
Munan soń respýblikalyq shtab múshesi aýdannyń belsendi jastary jáne stýdenterimen sondai-aq, Aqtóbe, Jambyl aýyldyq okrýkteriniń turǵyndarymen, ondaǵy bastaýysh partiia uiymdarynyń tóraǵalarymen de kezdesti. Jinalǵandar referendýmǵa bir kisidei atsalysyp, saiasi naýqannyń el bolashaǵyna bereri mol bolatynyna senetindikterin aitty. Óitkeni olar «Bul bizdiń daýsymyzben, sheshimimizben júzege asyrylady» dep esepteidi.
Sonymen qatar is-sharada aýyl turǵyndary depýtattarǵa zeinet jasyn tómendetý, qazaq tiliniń mártebesi týraly usynystaryn jáne basqa da birqatar máseleni jetkizdi. Aita keteiik, qazirgi Konstitýtsiiada 99 bap bar. Aldaǵy referendým aiasynda 33 bapqa túzetýler enetin bolady. Bul Konstitýtsiianyń 3/1 bóligi ózgeredi degen sóz. Konstitýtsilyq reforma – qoǵamnyń suranysy men usynysyna negizdelgen.
«AMANAT» partiiasy Túrkistan oblystyq filialynyń baspasóz qyzmeti
