Halyqaralyq baiqaýshylarǵa qolǵabys kórsetý ortalyǵynda ótken baspasóz máslihatynda TMD missiiasynyń basshysy Igor Petrishenko uiym Qazaqstandaǵy sailaý protsesin 19-ret baqylap otyrǵanyn málimdedi. Onyń aitýynsha, qazirgi ýaqytta 161 halyqaralyq baiqaýshy akkreditatsiiadan ótken. Baqylaý jumystary Qazaqstannyń 9 óńirinde jáne sheteldegi 12 memlekette júrgizilýde. Osy ýaqytqa deiin baiqaýshylar 520-dan astam sailaý ýchaskesine barǵan, dep habarlaidy Dalanews.kz.
Missiia basshysy ózine erekshe áser qaldyrǵan bir oqiǵaǵa da toqtaldy. Onyń aitýynsha, sailaý ýchaskeleriniń birinde daýys berip shyqqan jas jigit súiiktisine úilený týraly usynys jasap, qyz kelisimin bergen.
"Bul jaǵdai Qazaqstan jastarynyń elektoraldyq naýqanǵa belsendi qatysyp jatqanyn kórsetedi. Sonymen qatar biz qoǵamdyq baqylaýshylardyń qatarynda jastardyń kóp ekenin baiqadyq. Jastar eldiń bolashaǵyna beijai qaramaidy, onyń damýyna alańdaidy. Menińshe, qabyldanatyn sheshimder Qazaqstannyń turaqty ári oń damýyna yqpal etedi", – dedi Igor Petrishenko.
