Memleket Basshysy Qasym-Jomart Kemeluly Toqaev telearnalarǵa suhbattar berip, Úndeý de jasady. Halyqtyń aldyna barlyq máseleni jaıyp saldy, elden usynystar kútti. Halyqpen keri baılanys ornatýdyń naqty qadamdaryna bardy. Barlyq usynystar men pikirlerdi elekten ótkizip baryp, Joldaýyn jarıalady.
Bul Joldaýdyń baǵyty- barlyq salada qoǵamnyń búkil sanattarynyń tepe-teńdigin saqtaı otyryp, saıası, quqyqtyq júıede ádiletti reforma jasaý. Halyqtyń oıynan shyǵatyn zańnamalyq qurylymdyq júıeni jetildirý arqyly ǵana Ádiletti saıası quqyqtyq reforma týylatyny túsinikti.
Memleket basshysy Qasym-Jomart Toqaevtyń "Jańa Qazaqstan: Jańarý men Jańǵyrý joly" Joldaýyna taldaý jasaǵanymda eń kóp kezdesetin sózder memleket 67 ret, qoǵam 55 ret, elimiz 45 ret, zań 44 ret, saılaý 40 ret, Qazaqstan, adam, saıası sózderi 39 retten, júıe 35 ret qaıtalanady. Bul sózder- negizgi nysanany anyqtaıtyn qulyp ashar sózder. Memleket basshysynyń aıtqysy kelgeni memleket pen qoǵamnyń arasyndaǵy baılanysty jaqsartý, qoǵamnyń únin bılikke jetkizip, elimizde zańnyń ústemdigin qamtamasyz etý arqyly saılaý júıesine ózgeris endirý. Demek, Qazaqstanda adam quqyqtaryn qorǵaý maqsatynda saıası júıe de jańǵyratyn bolady degen tujyrymdy elge jetkizgeni. Osy ýaqytqa deıin 1995 jylǵy Ata zańymyz búkilhalyqtyq referendým arqyly dúnıege kelse, sodan beri ýaqyt talabyna sáıkes, Ata zańymyzdyń 64 babyna qatysty, 1998,2007,2011,2017,2019 jyldarda bes ret ózgerister men tolyqtyrýlar engizilipti.Bul zańdylyq.Zaman ózgeredi , zań ózgeredi degen ataly sózdiń túıini, jaýaby.Onyń ústine bizdiń memleketimiz basqa batys,shyǵys elderimen salystyrǵanda anaǵurlym jas memleket.
Qoldanystaǵy Konstıtýsıamyzdyń 33 babyna ózgeris engizilýi týraly másele óte aýqymdy bolǵanyn eskere otyryp, Memleket Basshysy Respýblıkalyq Referendým týraly zańnyń 18 babyna sáıkes, referendým taǵaıyndaý týraly Jarlyqqa qol qoıdy. Respýblıkalyq referendým týraly zań IV-taraýdan,37 baptan turady. Konstıtýsıalyq reformalar strategıalyq bolǵandyqtan halyqtyń qoldaýy asa qajet. Referendým daýys berýdiń eń demokratıalyq túri ári tikeleı halyqtyń erkin bildiredi,el pikirimen sanasýdyń eń joǵarǵy satysy. Referendým arqyly usynylyp otyrǵan Konstıtýsıamyzdyń nusqasynda eshqandaı bir tarmaqta, ne bapta Prezıdenttiń ókilettigine artyqshylyq kórsetilmegen,qaıta Sýperprezıdenttik basqarýdan birtindep kóship yqpaldy Parlament mártebesin kóterý, jáne Prezıdenttiń jaqyn týystaryna saıası laýazym ıelenýge tyıym salyný jóninde ádildik sıpat bar.
Saılaý juıesinde aralas júıeniń usynylýy el arasynda qyzyqshylyq týdyrýda. Usynylyp otyrǵan nusqada «Keńes» sózi «Sot» sózimen aýystyrylǵan.Al, VII bólimde Konstıtýsıalyq sot qurylymy týraly tolyqtyrý bar. Konstıtýsıalyq sotqa júginý quqyna Bas Prokýror jáne Adam quqyǵy jónindegi ýákil ıe bolady. Sondaı-aq, 83 bapta Adam quqyǵy jónindegi ýákildiń mártebesi konstıtýsıalyq zańmen aıqyndalady.
Jurtshylyqty qyzyqtyratyn bir másele -Jer máselesi. Qoldanystaǵy Konstıtýsıanyń 6-shy baby 3–tarmaǵynda «jer men onyń qoınaýy,sý kózderi,ósimdikter men janýarlar dúnıesi,basqa tabıǵı resýrstar memleket menshiginde» bolsa , usynylatyn nusqada «jer men onyń qoınaýy,sý kózderi,ósimdikter men janýarlar dúnıesi,basqa tabıǵı resýrstar halyqqa tıesili.Memleket halyq atynan menshik ıeligin júrgizýge quqyly.Jer sondaı-aq zańda belgilengen negizderde,sharttar men shekterde jeke menshikte de bolýy múmkin» dep kórsetilgen. Memleket basshysy ózi oı eleginen ótkizgen, eldiń pikirin ustyn etip, qarqyndy damýymyzǵa arnalǵan barlyq salany qamtıtyn saıası ózgeristerge tola Ata zańymyzdyń jańa nusqasyn referendým arqyly qabyldaýǵa usyndy.
Eldiń birligi úshin,tynysh tirligi úshin saıası juıedegi ózgeisterdi tarazylap jeti ret ólshep bir ret kesken demekshi referendým arqyly qoǵamnyń barlyq sanattarymen sanasý,pikir almasý demokratıany kórsetedi. Referendým ashyqtyqtyń,demokratıanyń, saıası teńdikke jetýdiń eń bıik satysy.
