Qazaqstanda respýblikalyq referendým kúni 585 bala dúniege keldi. Bul týraly Densaýlyq saqtaý ministrligi málimdedi, dep habarlaidy Dalanews.kz.
15 naýryzda, respýblikalyq referendým ótken kúni eldiń meditsinalyq uiymdarynda 585 náreste dúniege kelgen.
Aqtóbe jáne Túrkistan oblystarynda 2 egiz tirkeldi. Jańa týǵan nárestelerdiń ishinde 310 ul bala jáne 275 qyz bala bar.
"Elimizdiń barlyq óńirinde meditsina qyzmetkerleri analar men jańa týǵan nárestelerge ýaqtyly ári sapaly meditsinalyq kómek kórsetip, joǵary biliktilik pen jaýapkershiliktiń úlgisin kórsetti", - dedi ministrlik ókilderi.
